విజయ దేవరకొండకు సోషల్ మీడియాలో క్రేజీ ఫాలోయింగ్..
సెన్సేషనల్ హీరో విజయ్ దేవరకొండకు యూత్ లో ఉన్న క్రేజ్ గురించి ప్రత్యేకంగా చెప్పక్కర్లేదు.అనతి కాలంలోనే తన స్టైల్,డిఫరెంట్ అటిట్యూడ్ తో తెలుగు రాష్ట్రాల్లోనే కాదు, దేశ వ్యాప్తంగా అభిమానులను సంపాదించుకున్నాడు.
Updated on: Jul 16, 2020 | 2:15 PM
సెన్సేషనల్ హీరో విజయ్ దేవరకొండకు యూత్ లో ఉన్న క్రేజ్ గురించి ప్రత్యేకంగా చెప్పక్కర్లేదు. అనతి కాలంలోనే తన స్టైల్,డిఫరెంట్ అటిట్యూడ్ తో తెలుగు రాష్ట్రాల్లోనే కాదు, దేశ వ్యాప్తంగా అభిమానులను సంపాదించుకున్నాడు. చేసింది తక్కువ సినిమాలే అయినా అదిరిపోయే ఇంపాక్ట్ ఇచ్చాడు. అందుకే సోషల్ మీడియాలో విజయ్ కు విపరీతమైన ఫాలోయింగ్ ఉంది. రీసెంట్ గా ఇన్ స్టాగ్రామ్ లో కొత్త రికార్డు క్రియేట్ చేశాడు ఈ రౌడీ హీరో. 8 మిలియన్ల ఫాలోవర్స్ ను సంపాదించుకున్న సౌత్ ఇండియాలోనే ఫస్ట్ హీరోగా నిలిచాడు.
80 లక్షల ఫాలోవర్స్ మార్కు దాటటంతో విజయ్ ఫ్యాన్స్ సోషల్ మీడియాలో.. రచ్చ చేస్తున్నారు. విజయ్ కు ఇంత మంది పాలోవర్స్ ఉండటానికి రీజన్ ఆయనను దేశవ్యాప్తంగా అందరూ అభిమానించటమే అని చెబుతున్నారు. విజయ్ నటించిన తెలుగు సినిమాలు ‘అర్జున్ రెడ్డి’, ‘గీత గోవిందం’, ‘డియర్ కామ్రేడ్’… హిందీలో డబ్ కావడంతో అక్కడ కూడా అతడికి ఫ్యాన్స్ అయ్యారు. ఇక ప్రస్తుతం డాషింగ్ డైరెక్టర్ పూరీ జగన్నాథ్ తో విజయ్ చేస్తున్న సినిమా ప్యాన్ ఇండియా లెవెల్ లో తెరకెక్కుతుంది. ఈ సినిమాతో డైరెక్ట్ గా బాలీవుడ్ లో అడుగుపెట్టబోతున్నాడు విజయ్ దేవరకొండ.
