విజయవాడ కనకదుర్గమ్మను దర్శించుకున్న విజయ్ దేవరకొండ, రష్మిక.. ఇంద్రకీలాద్రిపై సందడి

టాలీవుడ్ స్టార్ హీరో విజయ్ దేవరకొండ, నటి రష్మిక మందన్న నటించిన రణబాలి సినిమా మంచి విజయాన్ని అందుకుంది. ఇటీవలే థియేటర్లోకి వచ్చిన రణబాలి సినిమా పాజిటివ్ టాక్ తో దూసుకుపోతుంది. కాగా తాజాగా విజయ్ దేవరకొండ, రష్మిక దంపతులు విజయవాడలోని ఇంద్రకీలాద్రిపై కొలువైన శ్రీ కనకదుర్గమ్మను దర్శించుకుని ప్రత్యేక పూజలు నిర్వహించారు. ఆలయానికి చేరుకున్న ఈ జంటను చూసేందుకు అభిమానులు ఆసక్తి చూపించారు. తమ అభిమాన తారలతో ఫొటోలు దిగేందుకు ఎగబడ్డారు భక్తులు, అభిమానులు. విజయవాడ ఇంద్రకీలాద్రిపై ఉన్న శ్రీ కనకదుర్గమ్మ ఆలయానికి చేరుకున్న విజయ్ దేవరకొండ, రష్మిక మందన్న అమ్మవారిని దర్శించుకుని మొక్కులు చెల్లించుకున్నారు.

దర్శనం అనంతరం ఆలయ అర్చకులు వారికి వేదాశీర్వచనం అందజేశారు. అమ్మవారి తీర్థప్రసాదాలను అందించి ఆశీర్వదించారు. విజయ్, రష్మిక ఆలయానికి వచ్చిన విషయం తెలుసుకున్న అభిమానులు వారిని చూసేందుకు పెద్ద సంఖ్యలో అక్కడికి వచ్చారు.

విజయ్ దేవరకొండ, రష్మిక మందన్నలను ఒకేచోట చూసిన అభిమానులు ఆనందం వ్యక్తం చేశారు. వారితో సెల్ఫీలు, ఫొటోలు దిగేందుకు ప్రయత్నించారు. దీంతో ఆలయ పరిసరాల్లో సందడి నెలకొంది. ఈ జంటకు సంబంధించిన ఫొటోలు, వీడియోలు సోషల్ మీడియాలోనూ అభిమానుల దృష్టిని ఆకర్షిస్తున్నాయి. విజయ్ దేవరకొండ, రష్మిక మందన్న కలిసి నటించడం అభిమానులకు ఎప్పుడూ ప్రత్యేక ఆసక్తిని కలిగిస్తుంది. గతంలో వీరిద్దరూ కలిసి నటించిన చిత్రాలు ప్రేక్షకుల్లో మంచి గుర్తింపు తెచ్చుకున్నాయి. ప్రస్తుతం వీరి కలయికలో వచ్చిన రణబాలి సినిమా థియేటర్లలో సూపర్ హిట్ టాక్ తో దూసుకుపోతుంది.

ఇవి కూడా చదవండి

రెండు మూడు సినిమాలతో కనిపించకుండా మాయం అయ్యింది..

ఆడిషన్‌కు పిలిచి అవసరం లేదని అన్నారు..

అప్పుడు మహేష్ సినిమాలో చైల్డ్ ఆర్టిస్ట్.. ఇప్పుడు ఇండస్ట్రీలోకి య

అన్ని కుదిరాయి కానీ అనుకోకుండా ఆగిపోయింది

మరిన్ని సినిమా వార్తల కోసం ఇక్కడ క్లిక్ చేయండి.