Kodali Bosubabu: టాలీవుడ్ ఇండస్ట్రీలో విషాదం.. గుండెపోటుతో ప్రముఖ నిర్మాత కన్నుమూత..

బోసు బాబు నిర్మాతగా మారకముందు...కెరీర్ ప్రారంభరోజుల్లో.. దాసరి సినిమాలకు ప్రొడక్షన్ మేనేజర్ గా చేశాడు... ఆ తర్వాత దాసరి ఆశీస్సులతోనే నిర్మాతగా మారారు.

Bosubabu

Rajitha Chanti |

Updated on: May 09, 2022 | 1:56 PM

తెలుగు చిత్ర పరిశ్రమలో మరో విషాదం నెలకొంది. ప్రముఖ నిర్మాత కొడాలి బోసుబాబు కన్నుమూశారు. గుండెపోటుతో హైదరాబాదులో సోమవారం తుదిశ్వాస విడిచారు. 66 ఏళ్ల సీనియర్ నిర్మాత బోసుబాబు.. దివంగత దర్శకుడు దాసరి నారాయణరావుకు బంధువు అవుతారు. దాసరి భార్య దివంగత పద్మకు బోసుబాబు సోదరుడి వరుస అవుతారు. బోసుబాబుకు భార్య, నలుగులు పిల్లలు ఉన్నారు. ఆయన మృతి పట్ల పలువురు సినీ ప్రముఖులు సంతాపాన్ని వ్యక్తం చేశారు.

బోసు బాబు నిర్మాతగా మారకముందు…కెరీర్ ప్రారంభరోజుల్లో.. దాసరి సినిమాలకు ప్రొడక్షన్ మేనేజర్ గా చేశాడు… ఆ తర్వాత దాసరి ఆశీస్సులతోనే నిర్మాతగా మారారు. అక్కినేని నాగేశ్వరరావుతో ‘రాగదీపం’, నాగేశ్వరరావు, కృష్ణలతో ‘ఊరంతా సంక్రాంతి’, కృష్ణతో ‘ప్రజాప్రతినిధి’, శోభన్ బాబుతో ‘జీవనరాగం’, దాసరి నారాయణరావుతో ‘పోలీస్ వెంకటస్వామి’ సినిమాలను నిర్మించారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.

ఇవి కూడా చదవండి