Tollywood: ‘పిలిస్తే పలుకుతా’ మూవీ హీరోయిన్ గుర్తుందా?.. తన సిస్టర్ తోపు హీరోయిన్!

కొన్ని సినిమాలు విడుదల సమయంలో పెద్ద హిట్ కాకపోయినా.. కాలక్రమంలో ప్రేక్షకుల హృదయాల్లో ప్రత్యేక స్థానం సంపాదిస్తాయి. అలాంటి కల్ట్ స్టేటస్ తెచ్చుకున్న చిత్రం ‘పిలిస్తే పలుకుతా’. కోడి రామకృష్ణ దర్శకత్వం ఈ సినిమాలో షమితా శెట్టి హీరోయిన్‌గా నటించింది. అయితే....

Pilisthe Palukutha Casting

Ram Naramaneni |
Updated on: Aug 09, 2025 | 7:50 PM

కొన్ని సినిమాలు థియేటర్లలో రిలీజ్ సమయంలో పెద్దగా అలరించకపోయినా.. కాలం గడుస్తున్న కొద్దీ ప్రేక్షకుల హృదయాల్లో ప్రత్యేక స్థానం సంపాదిస్తాయి. అటువంటి ఓ సినిమా ‘పిలిస్తే పలుకుతా’. ఈ సినిమా గురించి ఇప్పటి తరం వారికి అంతగా తెలియకపోవచ్చు..90లలో యంగ్ ఏజ్‌లో ఉన్నవాళ్లకి ఈ మూవీ బాగానే గుర్తుంటుంది. ఆ తర్వాతి కాలంలో ఈ మూవీ టీవీలో ప్రసారం అయితే చానెల్ మార్చకుండా చూసేవారు

2002లో లెజెండరీ దర్శకుడు కోడి రామకృష్ణ తెరకెక్కించిన ఈ చిత్రానికి రిలీజ్ సమయంలో మంచి సినిమా అని టాక్ వచ్చింది. అయితే బాక్సాఫీస్ వద్ద మాత్రం ఆశించిన స్థాయిలో కలెక్షన్స్ రాబట్టలేకపోయింది. కానీ ఎం.ఎం. కీరవాణి కట్టిన బాణీలు మాత్రం ఇప్పటికీ సంగీతాభిమానుల ప్లేలిస్టుల్లో మార్మోగుతూనే ఉన్నాయి. ఇందులో హీరోగా ఆకాష్, హీరోయిన్‌గా బాలీవుడ్ బ్యూటీ షమితా శెట్టి నటించారు. ఇదే ఆమె తొలి తెలుగు సినిమా. తొలి మూవీతోనే ఆమె మంచి ఫ్యాన్ బేస్ సంపాదించుకుంది.

సినిమా విజయం తర్వాత షమితా తెలుగు ఇండస్ట్రీలో బిజీ అవుతుందని అందరూ భావించారు. కానీ ఆమె మళ్లీ తెలుగులో సినిమాలు చేయకుండా బాలీవుడ్‌కే పరిమితమైంది. ఇక్కడ ఒక ఆసక్తికరమైన విషయం ఏంటంటే.. షమితా అక్క కూడా ఒకప్పుడు టాలీవుడ్‌లో స్టార్ హీరోయిన్‌గానే నిలిచింది. ఆమె మరెవరో కాదు శిల్పా శెట్టి. శిల్పా శెట్టి క్రేజ్ ఒకప్పుడు రెండు తెలుగు రాష్ట్రాల్లో పీక్‌లో ఉండేది. 1996లో వెంకటేష్ హీరోగా… కె. రాఘవేంద్రరావు దర్శకత్వంలో వచ్చిన సాహస వీరుడు సాగర కన్య సినిమాతో ఆమె టాలీవుడ్‌లో ఎంట్రీ ఇచ్చింది. ఈ సినిమాలో సాగర కన్య పాత్రలో ఆమె నటన, స్క్రీన్ ప్రెజెన్స్ సెన్సేషన్ క్రియేట్ చేసింది. ఈ పాత్రకుగాను ఆమె ఫిల్మ్‌ఫేర్ నామినేషన్ కూడా దక్కించుకుంది.

Also Read: ‘సింహరాశి’లో మనల్ని ఏడిపించిన ఈ చిన్నోడు గుర్తున్నాడా..? ఇప్పుడు హీరో..?

తర్వాత మోహన్ బాబుతో వీడెవడండీ బాబూ, నాగార్జునతో ఆజాద్ సినిమాల్లో నటించింది. ఇవి బాక్సాఫీస్ వద్ద పెద్దగా వర్కౌట్ కాలేదు. అయినా, బాలకృష్ణతో భలేవాడివి బాసూ సినిమాలో ఛాన్స్ దక్కించుకుంది. కానీ దురదృష్టవశాత్తు అది కూడా ఫ్లాప్ అయ్యింది. ఆ తరువాత శిల్పా మళ్లీ తెలుగులో అడుగు పెట్టలేదు. ఈ విధంగా, ఒకే కుటుంబానికి చెందిన ఇద్దరు అందాల భామలు టాలీవుడ్‌లో తమదైన ముద్ర వేసినా, ఎక్కువ కాలం ఇక్కడ కొనసాగలేదు. కానీ వాళ్ల చేసిన కొన్ని సినిమాలు మాత్రం ఇంకా ప్రేక్షకుల హృదయాల్లో చెరిగిపోని మధురస్మృతులుగా మిగిలిపోయాయి.