క్రేజీ హీరోయిన్.. చిన్నపిల్లాడి చేతిలో మోసపోయింది.. అసలేం జరిగిందంటే

తెలుగులో చాలా మంది హీరోయిన్స్ గ్లామర్ తోనే కాదు నటనతోనూ ఆకట్టుకుంటున్నారు. కొంతమంది ఒక్క సినిమాతో పాపులర్ అవుతుంటే మరికొంతమంది మాత్రం నటిగా తమను తాము నిరూపించుకునేందుకు ప్రయత్నిస్తున్నారు. వచ్చిన అవకాశాలను సద్వినియోగం చేసుకుంటూ దూసుకుపోతున్నారు. అలాగే ఇతర బాషల నుంచి వచ్చి కూడా తెలుగులో మంచి పేరు తెచ్చుకున్న భామలు చాలా మందే ఉన్నారు అలాంటి వారిలో ఈ అమ్మడు ఒకరు. తెలుగులో చేసింది తక్కువ సినిమాలే అయినా మంచి క్రేజ్ తెచ్చుకుంది. గతంలో ఈ అమ్మడు చేసిన కామెట్స్ ఇప్పుడు వైరల్ గా మారింది.

నివేదా పేతురాజ్.. ఈ చిన్నది తన అందంతో పాటు నటనతో తెలుగు ప్రేక్షకులకు దగ్గరయింది. శ్రీవిష్ణు హీరోగా నటించిన మెంటల్ మదిలో అనే సినిమాతో హీరోయిన్ గా తెలుగు ప్రేక్షకులకు పరిచయం అయ్యింది నివేదా పేతురాజ్. తొలి సినిమాతోనే నటన పరంగా మంచి మార్కులు కొట్టేసింది. మెంటల్ మదిలో సినిమా తర్వాత చిత్రలహరి సినిమాలో సెకండ్ హీరోయిన్ గా చేసింది ఈ అమ్మడు. ఆ సినిమా మంచి విజయాన్ని అందుకుంది. దాంతో నివేదా పేతురాజ్ క్రేజ్ పెరిగింది. ఆతర్వాత బ్రోచేవారెవరురా సినిమా చేసింది. అలాగే ఐకాన్ స్టార్ అల్లు అర్జున్ హీరోగా నటించిన అల వైకుంఠపురములో సినిమాలోనూ సెకండ్ హీరోయిన్ గా చేసింది. ఈ సినిమా తర్వాత బ్లడీ మేరీ, విరాట పర్వం, దాస్‌ కా ధమ్కీ, బూ, పరువు సినిమాలతో ప్రేక్షకులను ఆకట్టుకుంది.

ఇదిలా ఉంటే గతంలో నివేదా పేతురాజ్ ఓ ఆసక్తికర విషయాన్నీ పంచుకుంది. ఓ ఎనిమిదేళ్ల బాలుడు తనను మోసం చేశాడని తెలిపింది ఈ భామ. దీని గురించి ఆమె మాట్లాడుతూ.. చెన్నై లోని ‘అడయార్‌ అనే ప్రాంతంలో సిగ్నల్ దగ్గర నా కారు ఆగింది. అయితే అక్కడు ఓ ఎనిమిదేళ్ళ బాలుడు డబ్బులు అడుగుతూ కనిపించాడు. అతని ఫ్రీగా డబ్బులు ఎందుకు ఇవ్వాలీలే అని.. అతని దగ్గర ఉన్న రూ. 50 విలువైన పుస్తకాన్నికొనాలని అనుకున్న.. రూ. 100 నోట్ తీసి ఇవ్వబోతే అతను రూ. 500 అడిగాడు. దాంతో నేను నా రూ.100 నోటు వెనక్కి తీసుకున్నాను. ఇంతలో ఆ పిల్లాడు ఆ పుస్తకాన్ని నా కారులోకి విసిరేసి నా చేతిలో ఉన్న రూ.100 నోటు లాక్కొని పారిపోయాడు అని చెప్పుకొచ్చింది. ఇలా ఎనిమిదేళ్ల పిల్లాడి చేతిలో తాను మోసపోయాను అని తెలిపింది నివేద.

View this post on Instagram

A post shared by Nivetha Pethuraj (@nivethapethuraj)

మరిన్ని సినిమా వార్తల కోసం ఇక్కడ క్లిక్ చేయండి.