KTR-Kinnera Mogulaiah: పద్మశ్రీ కిన్నెర మొగిలయ్యకు కేటీఆర్ సాయం.. నటుడు బ్రహ్మాజీ ఏమన్నాడో తెలుసా?
పద్మశ్రీ అవార్డు గ్రహీత, 12 మెట్ల కిన్నెర కళాకారుడు దర్శనం మొగిలయ్యకు సంబంధించిన వీడియో ఒకటి ఇటీవల సోషల్ మీడియాలో వైరల్ గా మారింది. ఆర్థిక సమస్యలతో బాధపడుతోన్న ఈ జానపద కళాకారుడు హైదరాబాద్లోని ఓ నిర్మాణ స్థలంలో రోజువారీ కూలీగా పని చేయడం చాలా మందిని కలచి వేసింది
పద్మశ్రీ అవార్డు గ్రహీత, 12 మెట్ల కిన్నెర కళాకారుడు దర్శనం మొగిలయ్యకు సంబంధించిన వీడియో ఒకటి ఇటీవల సోషల్ మీడియాలో వైరల్ గా మారింది. ఆర్థిక సమస్యలతో బాధపడుతోన్న ఈ జానపద కళాకారుడు హైదరాబాద్లోని ఓ నిర్మాణ స్థలంలో రోజువారీ కూలీగా పని చేయడం చాలా మందిని కలచి వేసింది. తన నెలవారీ గౌరవ వేతనం ఆగిపోయిందని.. అందుకే పొట్టకూటి కోసం ఇలా కూలీపనులకు వెళ్తున్నట్లు మొగిలయ్య దీనంగా చెప్పుకొచ్చారీ వీడియోలో. నెట్టింట వైరల్ గా మారిన ఈ వీడియోపై బీఆర్ఎస్ వర్కింగ్ ప్రెసిడెంట్ కేటీఆర్ కూడా స్పందించారు. మొగిలయ్య కుటుంబానికి అండగా ఉంటానని హామీ ఇచ్చారు. ఈ నేపథ్యంలో తానిచ్చిన మాటను నిలబెట్టుకున్నారు కేటీఆర్. ఆదివారం ఆయన పద్మశ్రీ కిన్నెర మొగిలయ్యను కలిశారు. కళాకారుడి యోగ క్షేమాలు తెలుసుకున్నారు. దీనికి సంబంధించిన ట్విట్టర్ లో షేర్ చేసిన కేటీఆర్.. ‘మొగిలయ్యను కలిసి భరోసా కల్పించి నందుకు చాలా సంతోషంగా ఉంది. ఆయన ఒక గొప్ప జానపద కళాకారుడు. తెలంగాణ రాష్ట్రానికే ఆయన గర్వకారణం’ అని రాసుకొచ్చారు.
ప్రస్తుతం కేటీఆర్ మొగిలయ్యను కలిసిన వీడియో నెట్టింట వైరల్ గా మారింది. సినీ ప్రముఖులు, అభిమానులు, నెటిజన్లు ఈ వీడియోపై భిన్న రకాలుగా స్పందిస్తున్నారు. తాజాగా కేటీఆర్ పోస్ట్ పై టాలీవుడ్ ప్రముఖ నటుడు బ్రహ్మాజీ స్పందించారు.’మొగిలయ్యకు అండగా నిలిచిన బీఆర్ఎస్ వర్కింగ్ ప్రెసిడెంట్ కేటీఆర్కు ధన్యవాదాలు. ఆర్థికంగా ఇబ్బందులు ఎదుర్కొంటున్న మొగిలయ్యకు అండగా నిలిచి కేటీఆర్ నిజమైన నాయకుడు అనిపించుకున్నారు’ అని ట్విట్టర్ వేదికగా ప్రశంసలు కురిపించారు బ్రహ్మాజీ. ప్రస్తుతం ఈ నటుడి కామెంట్స్ నెట్టింట వైరల్ గా మారాయి.
మొగిలయ్యతో మాట్లాడుతోన్న కేటీఆర్..
పాలమూరు కళాకారుడు, అరుదైన కిన్నెర వాయిద్య వాగ్గేయకారుడు, పద్మశ్రీ అవార్డు గ్రహీత మొగులయ్యకు అండగా కేటీఆర్.
మొగులయ్యను ఇవ్వాళ ఉదయం కలిసి ఆయన కుటుంబానికి అన్ని విధాలా అండగా ఉంటామని భరోసానిచ్చారు కేటీఆర్. pic.twitter.com/lnk771X9J5
— BRS Party (@BRSparty) May 5, 2024
బ్రహ్మాజీ ట్వీట్..
Thank uu
🙏🏼🤗@KTRBRS 👏👏 https://t.co/e6xLBOgRRN— Brahmaji (@actorbrahmaji) May 5, 2024
కూలీ పనులు చేసుకుంటోన్న మొగిలయ్య.. వీడియో
Heart Breaking: Padma Shri Awardee Mogulaiah Now a Daily Wager.
He says his monthly honorarium stopped, and although all respond positively, they do nothing.
Mogulaiah was seen working at a construction site in Turkayamanjal near Hyderabad.
Darshanam Mogulaiah was honoured… pic.twitter.com/Zru4If7h0x
— Sudhakar Udumula (@sudhakarudumula) May 3, 2024
మరిన్ని సినిమా వార్తల కోసం ఇక్కడ క్లిక్ చేయండి.