Ugadi Movies: ఉగాదికి విడుదల కాబోతున్న సినిమాలు ఇవే.. సినీ ప్రియులకు పండగే ఇక..
ఇప్పటికే అన్ని కార్యక్రమాలు పూర్తిచేసుకున్న చిత్రాలు సినీ ప్రియులను అలరించేందుకు సిద్దమయ్యాయి. ఈ క్రమంలోనే ఈ నెల 22న థియేటర్లలోకి వస్తున్న సినిమాలు ఏంటో తెలుసుకుందామా.
ప్రస్తుతం బాక్సాఫీస్ వద్ద చిన్న సినిమాల హావా నడుస్తోంది. ఇప్పుడేలాంటి పెద్దసినిమాలు రిలీజ్ కాకపోవడంతో.. చిన్న సినిమాలకు మంచి రెస్పాన్స్ వస్తోంది. కంటెంట్ మెయిన్గా ఉన్న చిత్రాలకు సినీ ప్రియులు క్యూ కడుతున్నారు. ఇక మరో మూడు రోజుల్లో ఉగాది రాబోతుంది. ఉగాది అనగానే కొత్త ఏడాది మొదలు అనే సెంటిమెంట్ చాలా మందిలో ఉంటుంది. అందుకే ఈ రోజున తమ సినిమాలకు సంబంధించిన అనేక పోస్టర్స్, టీజర్స్ విడుదల చేస్తుంటారు. ఇక ఈ పండగ రోజుల థియేటర్లలో సినిమాల సందడి ఎక్కువగానే కనిపిస్తుంది. ఇప్పటికే అన్ని కార్యక్రమాలు పూర్తిచేసుకున్న చిత్రాలు సినీ ప్రియులను అలరించేందుకు సిద్దమయ్యాయి. ఈ క్రమంలోనే ఈ నెల 22న థియేటర్లలోకి వస్తున్న సినిమాలు ఏంటో తెలుసుకుందామా.
సక్సెస్ ఫుల్ డైరెక్టర్ కృష్ణవంశీ తెరకెక్కించిన లేటేస్ట్ చిత్రం రంగమార్తాండ. ప్రకాష్ రాజ్, రమ్యకృష్ణ, బ్రహ్మనందం ప్రధాన పాత్రలలో నటించిన ఈ సినిమా ఉగాది రోజున విడుదల కాబోతుంది. ఈ సినిమాకు ఇళయరాజా సంగీతం అందించగా.. ఇప్పటికే విడుదలైన పోస్టర్స్, టీజర్ ఆసక్తిని పెంచాయి.
ఇక ఆ తర్వాత మాస్ కా దాస్ విశ్వక్ సేన్ స్వియ దర్శకత్వంలో రాబోతున్న చిత్రం దాస్ కా ధమ్కీ. ఈ సినిమాపై ఇప్పటికే ఎక్కువ బజ్ నెలకొంది. నివేదా పేతురాజ్ కథానాయికగా నటిస్తోన్న ఈ చిత్రం మార్చి 22న ప్రేక్షకుల ముందుకు రానుంది. అలాగే…. ఆదర్శ్, చిత్ర శుక్ల జంటగా నటించిన గీత సాక్షిగా చిత్రం కూడా విడుదల కానుంది. ఆంథోని మట్టిపల్లి దర్శకత్వం వహించిన ఈ సినిమా మార్చి 22న విడుదల కానుంది. ఇవే కాకుండా.. కాజల్ నటించిన కోస్టి సినిమా సైతం అదే రోజున రిలీజ్ కానుంది. దీంతో ఉగాదికి ఇక థియేటర్లలో సినీ పండగ ఉండబోతుంది.