Actor Nani: ‘దసరా’ చిత్రంలో కేజీఎఫ్, పుష్ప చిత్రాల ఫ్లేవర్ ఉంటుందా ?.. నాని రియాక్షన్ ఏంటంటే..
ప్రస్తుతం ఈ చిత్రప్రచార కార్యక్రమాల్లో బిజీగా ఉన్నారు నాని. ఇటీవల ఈ సినిమా ప్రెస్ మీట్ లో పాల్గొన్న నాని.. ఆసక్తికర విషయాలను పంచుకున్నారు.
న్యాచురల్ స్టార్ నాని ప్రధాన పాత్రలో నటిస్తోన్న లేటేస్ట్ చిత్రం దసరా. డైరెక్టర్ శ్రీకాంత్ ఓదెల ఈ సినిమాను తెరకెక్కిస్తున్నారు. ఈ చిత్రంతో శ్రీకాంత్ తెలుగు చిత్రపరిశ్రమకు దర్శకుడిగా పరిచయం కాబోతున్నారు. ఇందులో కీర్తి సురేష్ కథానాయికగా నటించింది. ఇప్పటికే విడుదలైన ట్రైలర్, సాంగ్స్ సినిమాపై మరింత అంచనాలను పెంచేశాయి. అన్ని కార్యక్రమాలు పూర్తిచేసుకున్న ఈ సినిమా మార్చి 30న పాన్ ఇండియా లెవల్లో తెలుగుతోపాటు.. హిందీ, తమిళం, కన్నడ, మలయాళం భాషలలో విడుదల కాబోతుంది. ఈ క్రమంలోనే ప్రస్తుతం ఈ చిత్రప్రచార కార్యక్రమాల్లో బిజీగా ఉన్నారు నాని. ఇటీవల ఈ సినిమా ప్రెస్ మీట్ లో పాల్గొన్న నాని.. ఆసక్తికర విషయాలను పంచుకున్నారు.
ఈ చిత్రంలోని విజువల్స్ పుష్ప, కేజీయఫ్ చిత్రాల ఫ్లేవర్ లో ఉన్నాయి.. మీ టార్గెట్ అదేనా ?.. అంటూవిలేకరి ప్రశ్నించగా.. నాని మాట్లాడుతూ.. “ఈ సినిమా విషయంలో మీరు ఏదానా ఊహించుకోండి. మాకు అలాంటి ఆలోచనే లేదు “అన్నారు. అలాగే..కొత్త దర్శకుడితో పాన్ ఇండియా స్థాయిలో సినిమా చేయడంలో ఉన్న నమ్మకమేంటనీ ప్రశ్నించగా.. “‘పుష్ప’ విడుదలకు ముందు సుకుమార్‌ తెలుగులో పెద్ద దర్శకుడు. ఆ తర్వాత అన్ని పరిశ్రమల్లోనూ గుర్తింపు తెచ్చుకున్నారు. శ్రీకాంత్ విషయానికొస్తే.. ‘దసరా’కు ముందు తను అన్ని చిత్ర పరిశ్రమలకు కొత్తవాడు. తర్వాత తన గురించి అందరికీ తెలుస్తుంది. తనపై నాకు పూర్తి నమ్మకం ఉంది. అయినా కొత్తవారికి అవకాశం ఇవ్వడానికి ప్రత్యేక కారణమంటూ ఏం లేదు.
అనుభవం ఉన్న దర్శకులతో పనిచేశా, కొత్తవారితోనూ పనిచేస్తుంటా. ప్రతిభ విషయంలో కొత్త, పాత తేడా ఉండదు. 2008లో నా విషయంలోనూ ఇలా ‘కొత్త’ అనుకుని ఉంటే ఇప్పుడు నేను ఇక్కడ ఉండేవాణ్ని కాదు కదా.” అంటూ చెప్పుకొచ్చారు.
