Tanikella Bharani: ఆ హీరో చాలా గొప్ప మనిషి.. ఆయన పేరు వినగానే రజినీకాంత్ సిగరెట్ పడేసి నిలబడ్డారు.. తనికెళ్ల భరణి..

తనికెళ్ల భరణి గతంలో రజనీకాంత్ తో తన అనుబంధం గురించి ఆసక్తికరమైన విషయాలు వెల్లడించారు. తనతో రజనీకాంత్ కు స్నేహం ఏమీ లేదని, అది కేవలం ఆరాధనా భావం మాత్రమే అని తనికెళ్ల భరణి స్పష్టం చేశారు. ఇద్దరికీ గురువు ఒకరే కావడం (రాజారాం దాస్) ఈ గౌరవానికి ఒక కారణమని ఆయన పేర్కొన్నారు. తనికెళ్ల భరణి తన తొలి పరిచయాన్ని గుర్తుచేసుకున్నారు. తాను సురేష్ కృష్ణ దర్శకత్వంలో అమ్మ సినిమా చేస్తున్నప్పుడు, చెన్నై వెళ్లినప్పుడు బాషా సినిమా షూటింగ్ జరుగుతోందని తెలిపారు. ఆ దర్శకుడిని కలవడానికి వెళ్లగా, రజనీకాంత్ మెట్లపై నుంచి దిగే షాట్ తీస్తున్నారని, ఆ తర్వాత సురేష్ కృష్ణ ఆయనకు తనను పరిచయం చేశారని భరణి చెప్పారు. ఈయన భరణి, రైటర్ అండ్ యాక్టర్ అనగానే, రజనీకాంత్ పక్కనే ఉన్న సిగరెట్‌ ను వెలిగిస్తూ ఉన్నారని, అయితే మా గురువు రాజారాం దాస్ మాకు కూడా గురువు అని చెప్పగానే, రజనీకాంత్ వెంటనే సిగరెట్‌ ను ఆర్పేసి నిలబడ్డారని భరణి వివరించారు.

ఎక్కువ మంది చదివినవి : Kota Srinivasa Rao : ఆ హీరోలగా చేయాలంటే ఇంకో జన్మ ఎత్తాలి.. ఆరోజు అతడి కష్టాన్ని కళ్లరా చూశా.. కోట శ్రీనివాస్ రావు..

రాజారాం దాస్ గొప్ప మనిషి అని, ఆయన తనకు చాలా సహాయం చేశారని, ఆయన మరణానంతరం కూడా గురువు కుటుంబానికి లక్ష రూపాయలు విరాళంగా ఇచ్చి, వారి పిల్లలు అమెరికా వెళ్లడానికి సహాయం చేశారని రజనీకాంత్ చెప్పిన మాటలు తనను ఎంతగానో ఆశ్చర్యపరిచాయని తనికెళ్ల భరణి పంచుకున్నారు. ఆ తర్వాత గిల్లి సినిమా 200 రోజుల వేడుకలో రజనీకాంత్ తనతో పలకరించారని, ఒక షీల్డ్ అందించారని తెలిపారు. జగపతి బాబు సినిమా చేస్తున్నప్పుడు, అందులో రజనీకాంత్ అసిస్టెంట్ వేషం తనకు వచ్చిందని, ఆ సందర్భంలో మూడు రోజులు ఆయనతో కలిసి ప్రయాణించే అవకాశం దొరికిందని భరణి చెప్పారు. ఆ చిత్రానికి తెలుగు అనువాదం కూడా తానే చేశానని, రజనీకాంత్ కు డైలాగులు అందిస్తూ ఉండేవారని తెలిపారు.

ఎక్కువ మంది చదివినవి : Srikanth: ఆ సినిమా తర్వాత నా గ్రాఫ్ మొత్తం పడిపోయింది.. చాలా దెబ్బ పడింది.. హీరో శ్రీకాంత్..

రజనీకాంత్ ను ఇంటర్వ్యూ చేయాలని కోరగా, ఎంతో మంది హీరోలు ఉండగా నాతో ఎందుకు? అని రజనీకాంత్ ప్రశ్నించారని, దానికి తాను చిన్నప్పటి నుంచి మిమ్మల్ని ఇష్టం, పైగా మీ కళ్ళల్లో ఒక తేజస్సు ఉంది అని సమాధానం ఇచ్చానని భరణి తెలిపారు. ఆయన గురించి స్వాతి పత్రికలో ఆరు వారాలు రాశానని కూడా భరణి వెల్లడించారు. రజనీకాంత్ కు దరిద్రం అంటే చాలా కోపం అని, నాకు నెక్స్ట్ జన్మ కూడా వద్దు సార్ అని ఆయన చెప్పిన మాటలు ఆయన వ్యక్తిత్వాన్ని తెలియజేస్తాయని భరణి పేర్కొన్నారు. ఇప్పటికీ తనను తాను కేవలం బెల్ కొట్టే కండక్టర్ గానే భావిస్తారని, కాకపోతే ఆ బెల్ ను రాఘవేంద్ర స్వామి కొట్టినట్టుగా అనుకుంటారని రజనీకాంత్ నిరాడంబరతను తనికెళ్ల భరణి వివరించారు.

ఎక్కువ మంది చదివినవి : Eknath Harika : భర్తతో కలిసి కొత్తింట్లోకి సీరియల్ బ్యూటీ.. నూతన గృహప్రవేశం చేసిన హారిక.. ఫోటోస్ వైరల్..

ఎక్కువ మంది చదివినవి : Bigg Boss 10 Telugu : బిగ్ బాస్‏లోకి సీరియల్ బ్యూటీ.. కుర్రాళ్ల డ్రీమ్ గర్ల్ మళ్లీ వచ్చేస్తుంది.. ఇక ఎంటర్టైన్మెంట్ అదిరిపోవాల్సిందే..