Tamannaah: ఉత్తమ జాతీయ నటి అవార్డు నాకే అంటూ.. ధీమా వ్యక్తం చేసిన తమన్నా.. కారణం ఇదే
మిల్కీ బ్యూటీ ఈ మధ్య తెలుగు సినిమాలు తగ్గించిందనే టాక్ గట్టిగానే వినిపిస్తోంది.. ఆఫర్లు రావడం లేదా.. లేక ఇతర భాషలపై దృష్టి పెట్టడం వల్లో తెలియదు కానీ ఈ అమ్మడు జోరు టాలీవుడ్ లో తగ్గింది.
మిల్కీ బ్యూటీ తమన్నా (Tamannaah)ఈ మధ్య తెలుగు సినిమాలు తగ్గించిందనే టాక్ గట్టిగానే వినిపిస్తోంది.. ఆఫర్లు రావడం లేదా.. లేక ఇతర భాషలపై దృష్టి పెట్టడం వల్లో తెలియదు కానీ ఈ అమ్మడు జోరు టాలీవుడ్ లో తగ్గింది. గోపిచంద్ సరసన నటించిన సీటీమార్ సినిమా తర్వాత తమన్నా తెలుగు సినిమా రాలేదు.. సత్య దేవ్ సరసన నటించిన గుర్తుందా శీతాకాలం సినిమా వాయిదా పడుతూ వస్తోంది. ఈ క్రమంలో బాలీవుడ్ లో తన అదృష్టాన్ని పరీక్షించుకుంటుంది ఈ భామ. రీసెంట్ గా అక్కడ ఓ ప్రయివేట్ ఆల్బమ్ లోకూడా మెరిసింది. తాజాగా బాబ్లీ బౌన్సర్ అనే సినిమాతో ప్రేక్షకుల ముందుకు రాబోతుంది. ఈ సినిమా నేరుగా ఓటీటీలో విడుదల కానుంది. ఈ సినిమా పై గట్టి నమ్మకంతో ఉంది తమన్నా. ఈ సినిమాలో లేడీ బౌన్సర్ గా కనిపించనుంది తమన్నా. ఈ సినిమాకోసం ఈ అమ్మడు చాలా కష్టపడిందని ట్రైలర్ చూస్తే అర్ధమవుతోంది.
మదుర్‌ బండార్కర్‌ దర్శకత్వం వహించిన ఈ సినిమా డిస్నీ హాట్ స్టార్ లో టెలికాస్ట్ కానుంది. తాజాగా ఈ సినిమా ప్రమోషన్స్ లో పాల్గొన్న తమన్నా ఆసక్తికర విషయాలను పంచుకున్నారు. ఈ సినిమా కోసం చాలా కష్టపడ్డానని, కచ్చితంగా తనకు జాతీయ ఉత్తమ నటి అవార్డు వస్తుందని ధీమా వ్యక్తం చేసింది తమన్నా. ఈ సినిమాలో హర్యానాకు చెందిన యువతిగా నటించానని తెలిపింది. మొట్టమొదటిసారిగా లేడీ బౌన్సర్ కథతో తెరకెక్కిన సినిమా ఇది.. ఇలాంటి సినిమాలో నటించే అవకాశం రావడం నిజంగా తన అదృష్టమని చెప్పుకొచ్చిది. తన కెరీర్ లోనే ఈ సినిమా బెస్ట్ మూవీ అవుతుందనిగతంలో మదుర బండార్కర్‌ దర్శకత్వంలో చేసిన హీరోయిన్లకు ఉత్తమ అవార్డులు వచ్చాయని, ఈ సినిమాతో తనకు కూడా ఉత్తమ జాతీయ నటి అవార్డు వస్తుందన్న నమ్మకం ఉంది అని తెలిపింది తమన్నా.
మరిన్ని సినిమా వార్తల కోసం క్లిక్ చేయండి..