Sushanth: నీలి కళ్లతో భయపెడుతున్న అక్కినేని యంగ్ హీరో.. రావణాసుర నుంచి లేటెస్ట్ పోస్టర్..
ఇటీవల ఖిలాడి సినిమాతో హిట్ కొట్టిన మాస్ మహారాజ రవితేజ.. ఇప్పుడు నెక్స్ట్ సినిమాల పై దృష్టి పెట్టారు. మాస్ మహారాజా రవితేజ, క్రియేటివ్ డైరెక్టర్ సుధీర్ వర్మల
Updated on: Mar 18, 2022 | 8:10 PM
Sushanth: ఇటీవల ఖిలాడి సినిమాతో హిట్ కొట్టిన మాస్ మహారాజ రవితేజ.. ఇప్పుడు నెక్స్ట్ సినిమాల పై దృష్టి పెట్టారు. మాస్ మహారాజా రవితేజ, క్రియేటివ్ డైరెక్టర్ సుధీర్ వర్మల ప్రత్యేకమైన యాక్షన్ థ్రిల్లర్ `రావణాసుర`. ఇటీవలే కీలకమైన భారీ షూటింగ్ షెడ్యూల్ను పూర్తి చేసుకుంది. రవితేజతో పాటు కీలక పాత్రలో నటిస్తున్న అక్కినేని యంగ్ హీరో సుశాంత్ కూడా షూటింగ్లో పాల్గొన్నారు. సుశాంత్ ఈ సినిమాలో కీలక పాత్రలో నటిస్తున్నారు. ఇటీవల అల వైకుంఠపురంలో సినిమాలో సుశాంత్ నటించిన విషయం తెలిసిందే. ఆ సినిమాతో సుశాంత్ కు మంచి పేరు వచ్చింది. ఆ జోష్ లోనే ఇప్పుడు రావణాసుర సినిమాలో నటిస్తున్నాడు.
తాజాగా సుశాంత్ పుట్టినరోజు సందర్భంగా ఆయనకు శుభాకాంక్షలు తెలుపుతూ టీమ్ సరికొత్త పోస్టర్ను విడుదల చేసింది. సుశాంత్ నీలి రంగు కళ్ళతో, పొడవాటి జుట్టు, గడ్డంతో తీక్షణంగా చూస్తున్నట్లు ఈ పోస్టర్ లో కనిపిస్తున్నాడు. దీనిని బట్టి ఆయన పాత్ర వైవిధ్యంగా వుంటుందని అర్థమవుతోంది. అభిషేక్ పిక్చర్స్, ఆర్టి టీమ్వర్క్స్పై అభిషేక్ నామా ఈ చిత్రాన్ని గ్రాండ్గా నిర్మిస్తున్నారు. అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ ఇలా మొత్తం ఐదుగురు కథానాయికలు నటిస్తున్న ఈ సినిమాలో రవితేజ లాయర్గా నటిస్తున్నాడు.
రచయితగా కొన్ని పవర్ఫుల్ చిత్రాలకు పనిచేసిన శ్రీకాంత్ విస్సా ఈ సినిమా కోసం కొత్త తరహా కథను రాశారు. ప్రముఖ నటులు, సాంకేతిక సిబ్బంది ఈ చిత్రానికి పనిచేస్తున్నారు. హర్షవర్ధన్ రామేశ్వర్, భీమ్స్ సంయుక్తంగా ఈ చిత్రానికి సంగీతం అందించగా రావు రమేష్, మురళీ శర్మ, సంపత్ రాజ్, నితిన్ మెహతా , సత్య, జయ ప్రకాష్ తదితరులు ఇతరపాత్రల్లో నటిస్తున్నారు.
మరిన్ని ఇక్కడ చదవండి :
Kashmir Files: కశ్మీర్ ఫైల్స్ చిత్ర దర్శకుడికి భద్రత పెంపు.. వై క్యాటగిరీ కల్పిస్తూ అధికారుల నిర్ణయం..
Prabhas: మారుతి సినిమాకు ప్రభాస్ అన్ని కోట్లు తీసుకుంటున్నారా.? రోజుకు ఏకంగా కోటి రూపాయల పైమాటే..
Bheemla Nayak Aha: ఆహాలో పవర్ స్ట్రోమ్.. స్ట్రీమింగ్కు సిద్ధమైన బ్లాక్ బస్టర్ భీమ్లా నాయక్..
