Etharkkum Thunindhavan: యాక్షన్ ఎంటర్టైనర్‌గా రానున్న ‘ఇతరుక్కుమ్ తునింధవన్’.. అదిరిపోయిన టీజర్
హీరో సూర్య ఇటీవల బ్యాక్ టు బ్యాక్ హిట్స్ తో దూసుకుపోతున్నారు. చాలా కాలంగా సరైన హిట్ లేక సతమతం అవుతున్న సూర్య కు ఆకాశం నీ హద్దు రా సినిమా మంచి విజయాన్ని అందించింది.
Etharkkum Thunindhavan: హీరో సూర్య ఇటీవల బ్యాక్ టు బ్యాక్ హిట్స్ తో దూసుకుపోతున్నారు. చాలా కాలంగా సరైన హిట్ లేక సతమతం అవుతున్న సూర్య కు ఆకాశం నీ హద్దు రా సినిమా మంచి విజయాన్ని అందించింది. ఓటీటీ వేదికగా విడుదలైన ఈ సినిమా సూపర్ హిట్ టాక్ ను సొంతం చేసుకుంది. ఇక ఈ సినిమా తర్వాత రీసెంట్ గా జై భీమ్ గా ప్రేక్షకుల ముందుకు వచ్చాడు సూర్య. ఈ సినిమా కూడా ఓటీటీ వేదికగా రిలీజ్ అయ్యింది. ఈ సినిమా ప్రేక్షకులను విపరీతంగా ఆకట్టుకుంది. ఇక ఇప్పుడు ఇదే ఉత్సాహంతో.. ఆయన ఈటి అనే సినిమా చేస్తున్నారు. . పాండిరాజ్ దర్శకత్వం వహించిన ఈ సినిమా తమిళ్ లో ‘ఇతరుక్కుమ్ తునింధవన్’ అనే టైటిల్ తో తెరకెక్కింది. తెలుగులో ఈటి అనే టైటిల్ తో విడుదల చేయనున్నారు. ఈ సినిమాలో ముద్దుగుమ్మ ప్రియాంక మోహన్ హీరోయిన్ గా నటిస్తుంది.
తాజాగా ఈ సినిమానుంచి టీజర్ ను విడుదల చేశారు. ఈ టీజర్ సినిమా పై అంచనాలను అమాంతం పెంచేసింది. టీజర్ మొత్తం యాక్షన్ సీన్స్ తో కట్ చేశారు. మాస్ ఆడియన్స్ కోరుకునే యాక్షన్ సీక్వెన్స్ లు ఈ సినిమా ఉన్నాయని టీజర్ చూస్తుంటే అర్ధమవుతుంది. అలాగే ఈ సినిమాలో సూర్య విభిన్నమైన గెటప్స్ లో కనిపించనున్నాడు. ఇటీవలే ఈ సినిమా షూటింగ్ పూర్తయ్యింది. ఈ సినిమాకు తెలుగులో డబ్బింగ్ చెప్తున్నారు సూర్య. చాలా కాలం తర్వాత సూర్య తన వాయిస్ ను వినిపించనున్నారు. ఇటీవలే ఈ సినిమా తెలుగు డబ్బింగ్ ను పూర్తి చేశారు సూర్య. ఈ సినిమాలో సత్యరాజ్.. శరణ్య .. రాజ్ కిరణ్.. సూరి ముఖ్యమైన పాత్రలను పోషించారు.
మరిన్ని ఇక్కడ చదవండి :