Sacrificing Star Sunisith: రంగంలోకి నంద‌మూరి ఫ్యాన్స్.. కాళ్ల‌బేరానికి వ‌చ్చిన సునిశిత్ ..

సునిశిత్.. గ‌త కొద్ది రోజులుగా అటు సోష‌ల్ మీడియాతో పాటు.. ఇటు యూట్యూబ్‌లో తెగ ట్రెండ్ అవుతున్న వ్య‌క్తి. హీరోహీరోయిన్ల‌పై చౌక‌బారు కామెంట్స్ చేయ‌డం.. అలా కాస్త జ‌నాల్లో ప‌బ్లిసిటీ తెచ్చుకోవ‌డం ఇత‌డి హాబీ. తాజాగా ఇత‌గాడు దివంగ‌త నందమూరి హరికృష్ణపై కాస్త హ‌ద్దుమీరి సోష‌ల్ మీడియాలో పోస్ట్ పెట్టాడు. దీంతో నంద‌మూరి ఫ్యాన్స్ రంగంలోకి దిగారు. తిక్క వేశాలు వేస్తున్న ఈ స్వ‌యం ప్ర‌క‌టిత సాక్రిఫైజింగ్ స్టార్ లెక్క కుదిర్చారు. దీంతో ఇత‌గాడు కాళ్ల బేరానికి వ‌చ్చేశాడు. నన్ను క్షమించండి ఇంకెప్పుడూ అలా చేయను అంటూ ఫేస్ బుక్‌లో వీడియో పెట్టాడు. కేవలం నంద‌మూరి హీరోల జోలికి మాత్ర‌మే కాదు.. ఏ హీరో పైనా కామెంట్ చేయనంటూ చేతులెత్తి మొక్కుతూ చెప్పాడు. దీంతో కాస్త గట్టిగానే త‌గిలించిన‌ట్టు ఉన్నారు అని నెటిజ‌న్లు కామెంట్లు పెడుతున్నారు.

‘నేను నందమూరి హరికృష్ణ గారి గురించి ఒక పోస్ట్ పెట్టడం జరిగింది.. నందమూరి ఫ్యాన్స్ హర్ట్ కావడంతో ఆ పోస్ట్‌ని డిలీట్ చేస్తూ నందమూరి హరికృష్ణ గారికి.. నందమూరి అభిమానులకు క్షమాపణలు తెలియజేస్తున్నాను. ఇకపై నేను నందమూరి హరికృష్ణ గారినే కాదు.. టాలీవుడ్‌కి సంబంధించిన ఏ హీరో గురించి త‌ప్పుగా మాట్లాడ‌ను.. వారి అభిమానుల‌ను హ‌ర్ట్ చేయ‌ను. ప్రతిఒక్క హీరోకి.. వారి అభిమానులకు క్షమాపణలు తెలియజేస్తున్నాను’ అంటూ వీడియో విడుదల చేశాడు సునిశిత్.

ఆ వీడియోను వీక్షించండి…

లావణ్య త్రిపాఠితో నాకు పెళ్తైందంటూ కామెంట్స్ చేయ‌డంతో.. ఆమె అప్ప‌ట్లో సునిశిత్‌పై పోలీసుల‌కు ఫిర్యాదు చేసింది. దీంతో అత‌డిని అరెస్ట్ చేసి జైల్లో పెట్టారు. అయితే జైలు నుంచి వచ్చిన తరువాత ఇతగాడి ప్ర‌వ‌ర్త‌న‌లో మార్పురాలేదు. తాజాగా నంద‌మూరి అభిమానుల‌ను హ‌ర్ట్ చెయ్య‌డంతో.. వారు త‌మ‌దైన స్టైల్లో ఇత‌గాడిని ట్రాక్‌లోకి తెచ్చారు.

Also Read: ‘వెళ్లి చావండి’ .. స్కూల్ ఫీజులపై మొర పెట్టుకోవడానికి వెళ్లిన పేరెంట్స్‌పై విద్యాశాఖ‌ మంత్రి రుస‌రుస‌లు

వామ్మో..! ఈ తాచుపాము మాముల్ది కాదు.. ఏకంగా 3 అడుగుల కోబ్రాను మింగేసింది.. కానీ