Sunil: సూపర్ స్టార్ కోసం మరోసారి విలన్గా మారిన సునీల్.. జైలర్ నుంచి నయా పోస్టర్
ఈ సినిమాను నెల్సన్ దిలీప్ డైరెక్ట్ చేస్తున్నారు. ఇటీవలే నెల్సన్ దళపతి విజయ్ తో కలిసి బీస్ట్ సినిమాను తెరకెక్కించాడు. ఈ సినిమా కూడా ప్రేక్షకులను ఆకట్టుకోలేకపోయింది.
Updated on: Jan 18, 2023 | 3:02 PM
సూపర్ స్టార్ రజినీకాంత్ హీరో నటిస్తోన్న లేటెస్ట్ మూవీ జైలర్. రజినీకాంత్ చివరిగా నటించిన అన్నత్తే ఆశించిన స్థాయిలో ఆకట్టుకోలేపోయింది. దాంతో ఇప్పుడు జైలర్ సినిమా పై భారీ అంచనాలు పెట్టుకున్న ఫ్యాన్స్. ఈ సినిమాను నెల్సన్ దిలీప్ డైరెక్ట్ చేస్తున్నారు. ఇటీవలే నెల్సన్ దళపతి విజయ్ తో కలిసి బీస్ట్ సినిమాను తెరకెక్కించాడు. ఈ సినిమా కూడా ప్రేక్షకులను ఆకట్టుకోలేకపోయింది. దాంతో నెల్సన్ కూడా ఎలాగైనా సాలిడ్ హిట్ కొట్టాలన్న కసిమీదఉన్నరు. ఈ క్రమంలోనే తలైవా సినిమాను పవర్ ఫుల్ కథతో తెరకెక్కిస్తున్నాడు. ఇప్పటికే విడుదలైన ఈ సినిమా పోస్టర్లు, గ్లిమ్ప్స్ ప్రేక్షకులను విపరీతంగా ఆకట్టుకున్నాయి. ఇక ఈ సినిమాలో సూపర్ స్టార్ జైలర్ గా కనిపిస్తారని తెలుస్తోంది. ఇదిలా ఉంటే.. తాజాగా ఈ మూవీ నుంచి ఒక కీలక పాత్రను పరిచయం చేశారు మేకర్స్ .
ఈ సినిమాలో కీలక పాత్రలో టాలీవుడ్ యాక్టర్ సునీల్ కనిపించనున్నారు. తాజాగా ఆయనకు సంబంధించిన లుక్ ను రిలీజ్ చేశారు. ఈ సినిమాలో సునీల్ నెగిటివ్ షేడ్స్ ఉన్న పాత్రలో నటించనున్నాడని తెలుస్తోంది. ఇటీవలే పుష్ప సినిమాలో మంగళం శీను పాత్రతో మెప్పించారు సునీల్.
ఇప్పుడు ఏకంగా సూపర్ స్టార్ సినిమాలో ఛాన్స్ దక్కించుకున్నారు. మరి ఈ సినిమాలో సునీల్ పాత్ర ఎలా ఉండబోతుందన్నది తెలియాల్సి ఉంది. ఇక సునీల్ సూపర్ స్టార్ కు పెద్ద ఫ్యాన్. ఈ విషయాన్నీ గతంలో ఆయన చాలా సందర్భాల్లో తెలిపారు. ఇప్పుడు ఆయన సినిమాలోనే నటించే ఛాన్స్ అందుకున్నారు. ఈ సినిమాలో సునీల్ ఎలా మెప్పిస్తారో చూడాలి.
.@mee_sunil from the sets of #Jailer @rajinikanth @Nelsondilpkumar @anirudhofficial pic.twitter.com/JJBfQw91QH
— Sun Pictures (@sunpictures) January 17, 2023
