Jayamma Panchayathi: పంచాయితీ పెద్దగా మారిన సుమ.. ఆకట్టుకుంటున్న ఫస్ట్ లుక్ పోస్టర్..
స్టార్ యాంకర్ గా బుల్లితెరపై రాణిస్తున్నారు సుమ. తనదైన మాటలతో చలాకీ తనంతో ప్రేక్షకులను విపరీతంగా ఆకట్టుకుంటున్నారు సుమ
Suma Kanakala: స్టార్ యాంకర్ గా బుల్లితెరపై రాణిస్తున్నారు సుమ. తనదైన మాటలతో చలాకీ తనంతో ప్రేక్షకులను విపరీతంగా ఆకట్టుకుంటున్నారు సుమ. అయితే సుమ గతంలో సినిమాల్లోనూ నటించి మెప్పించారు. అయితే ఈ మధ్య కాలంలో ఆమె సినిమాలకు దూరంగా ఉంటూ వస్తున్నారు. ఇక ఇప్పుడు వెండి తెరపై కూడా అలరించడానికి సిద్ధమయ్యారు ఈ యాంకరమ్మ. సుమ ప్రధాన పాత్రలో ఓ సినిమా రూపొందుతుంది. ఈ సినిమాకు జయమ్మ పంచాయితీ అనే ఇంట్రస్టింగ్ టైటిల్ ను ఖరారు చేశారు. తాజాగా ఈ సినిమాకు సంబందించిన ఫస్ట్ లుక్ పోస్టర్ ను మెగా పవర్ స్టార్ రామ్ చరణ్ రిలీజ్ చేశారు.
”సుమ గారూ.. ప్రతి తెలుగు ఇంట్లో అత్యంత ఇష్టపడే పేరు. ఇప్పుడు 70ఎంఎం స్క్రీన్ పైకి వచ్చేస్తున్నారు. చిత్ర బృందానికి శుభాకాంక్షలు” అని చరణ్ ట్వీట్ లో రాసుకొచ్చారు. సినిమాకి విజయ్ కుమార్ కలివరపు కథ – స్క్రీన్ ప్లే – డైలాగ్స్ అందించడంతో పాటు దర్శకత్వం వహిస్తున్నారు. విజయలక్ష్మీ సమర్పణలో వెన్నెల క్రియేషన్స్ పతాకంపై బలగ ప్రకాష్ ఈ చిత్రాన్ని నిర్మిస్తున్నారు. కీరవాణి సంగీతాన్ని అందిస్తున్నారు.
Suma garu, you’ve been the most loved name in every Telugu household.Time to hit the 70mm screen
Here’s the Title & First Look Motion Poster of #JayammaPanchayathi@ItsSumaKanakala https://t.co/TgbzeuMADy
Best wishes to the team!
— Ram Charan (@AlwaysRamCharan) November 6, 2021
మరిన్ని ఇక్కడ చదవండి :