Megastar : మెగా 154వ ప్రాజెక్ట్ నుంచి మెగాస్టార్ మాస్ లుక్.. అరాచకం ఆరంభం అంటున్న అభిమానులు..

Chiranjeevi : మెగాస్టార్ చిరంజీవి ప్రస్తుతం బ్యాక్ టు బ్యాక్ సినిమాలతో ఫుల్ జోరులో ఉన్నారు. ఇప్పటికే ఆచార్య సినిమా షూటింగ్‌ను కంప్లీట్ చేశారు మెగాస్టార్. ఈ సినిమాలో మెగాపవర్ స్టార్ రామ్ చరణ్ కూడా నటిస్తున్నారు. కొరటాల శివ దర్శకత్వం వహిస్తున్న ఈ సినిమా త్వరలోనే ప్రేక్షకుల ముందుకు రాబోతుంది. ఇదిలా ఉంటే ఈ సినిమా తర్వాత వరుసగా సినిమాలను లైన్‌లో పెట్టారు చిరు. వీటిలో గాడ్ ఫాదర్, భోళాశంకర్ సినిమాలు ఇప్పటికే సెట్స్ పైకి వెళ్లాయి. ఈ క్రమమంలోనే ఇప్పుడు మెగాస్టార్ 154 మూవీ కూడా మొదలైంది. బాబీ దర్శకత్వంలో తన 154వ సినిమా చేస్తున్నారు చిరు. ఈ సినిమాలో మెగాస్టార్ మాస్ గెటప్‌లో కనిపించనున్నారు. ఈ సినిమా అనౌన్స్ చేసిన దగ్గర నుంచి ఈ సినిమా అభిమానుల్లో ఆసక్తి నెలకొంది.

తాజాగా పూజా కార్యక్రమాలతో లాంఛనంగా ప్రారంభం అయ్యాయంది. ఈ సందర్భంగా సినిమానుంచి చిరు లుక్ ను రిలీజ్ చేశారు. మెడలో పెద్ద గొలుసులు వేసుకొని స్టైల్‌గా లైటర్ పట్టుకున్న చిరు లుక్ అదిరిపోయింది. అరాచకం ఆరంభం అంటూ పోస్టర్‌ను వదిలారు మేకర్స్..ఇప్పుడు ఈ పోస్టర్ సోషల్ మీడియాలో తెగ చక్కర్లు కొడుతుంది. కంప్లీట్ మాస్ అండ్ యాక్షన్ ఎంటర్టైనర్‌గా తెరకెక్కబోతున్న ఈ సినిమాలో చిరు మత్యకారుడిగా కనిపించనున్నారు. మైత్రీ మూవీ మేకర్స్ బ్యానర్ మీద నవీన్ ఎర్నేని – వై రవిశంకర్ ఈ చిత్రాన్ని నిర్మిస్తున్నారు. రాక్ స్టార్ దేవీ శ్రీ ప్రసాద్ సంగీతాన్ని అందిస్తున్నారు.

మరిన్ని ఇక్కడ చదవండి : 

Jai Bhim: 37 ఏళ్ల ఘటనను గుర్తుచేసింది.. జైభీమ్ మూవీపై సీపీఐ జాతీయ కార్యదర్శి నారాయణ స్పందన..

Priyanka Chopra: లాస్ ఏంజెల్స్‏లో భర్తతో కలిసి దీపావళి వేడుకలు జరుపుకున్న గ్లోబల్ స్టార్.. ప్రశంసిస్తున్న నెటిజన్స్..