Sudigali Sudheer: వాంటెడ్ పండుగాడ్ గా వస్తున్న సుడిగాలి సుధీర్.. ఆకట్టుకుంటున్న పోస్టర్

బుల్లితెరపై యాంకర్ గా ప్రముఖ టీవీ షోలో కమెడియన్ గా చేస్తూనే హీరోగా అవకాశాలు అందుకుంటున్నాడు సుడిగాలి సుధీర్.

Sudigali Sudheer

Updated on: May 20, 2022 | 6:45 AM

బుల్లితెరపై యాంకర్ గా ప్రముఖ టీవీ షోలో కమెడియన్ గా చేస్తూనే హీరోగా అవకాశాలు అందుకుంటున్నాడు సుడిగాలి సుధీర్(Sudigali Sudheer). క్రమ క్రమంగా తన క్రేజ్ ను పెంచుకుంటూ హీరోగా నిలదొక్కుకోవాలని ప్రయత్నిస్తున్నాడు ఈ యంగ్ టాలెంట్. ఈ క్రమంలోనే ఇప్పుడు మరో సినిమాతో ప్రేక్షకుల ముందుకు రానున్నాడు. శ‌తాధిక చిత్ర ద‌ర్శ‌కుడు.. ద‌ర్శ‌కేంద్రుడు కె.రాఘ‌వేంద్ర‌రావు స‌మ‌ర్ప‌ణ‌లో యునైటెడ్ కె ప్రొడ‌క్ష‌న్స్ బ్యాన‌ర్‌పై సునీల్, అన‌సూయ భ‌ర‌ద్వాజ్‌, బ్ర‌హ్మానందం, వెన్నెల కిషోర్‌, స‌ప్త‌గిరి, శ్రీనివాస్ రెడ్డి, సుడిగాలి సుధీర్ ప్ర‌ధాన పాత్ర‌ధారులుగా తెరకెక్కుతున్న సినిమా ‘వాంటెడ్ పండుగాడ్’. ‘పట్టుకుంటే కోటి’ ట్యాగ్ లైన్. శ్రీధ‌ర్ సీపాన ద‌ర్శ‌క‌త్వంలో సాయిబాబ కోవెల మూడి, వెంక‌ట్ కోవెల మూడి నిర్మాతలుగా ఈ సినిమా రూపొందుతుంది. ఈ సినిమాలో సుడిగాలి సుధీర్ ఓ కీల‌క పాత్ర‌లో న‌టిస్తున్నారు. ఆయ‌న పుట్టిన‌రోజు సంద‌ర్భంగా గురువారం చిత్ర యూనిట్ బ‌ర్త్ డే విషెస్ చెబుతూ స్పెష‌ల్ పోస్ట‌ర్‌ను విడుద‌ల చేసింది.

ఈ సంద‌ర్బంగా నిర్మాత‌లు మాట్లాడుతూ ‘‘సుడిగాలి సుధీర్ బుల్లి తెర ద్వారా తెలుగు ప్రేక్ష‌కుల‌కు ఎంతో ద‌గ్గ‌ర‌య్యారు. రీసెంట్ టైమ్‌లో సిల్వ‌ర్ స్క్రీన్‌పై త‌న‌దైన న‌ట‌న‌తో ఆక‌ట్టుకునే ప్ర‌య‌త్నం చేస్తున్నారు సుధీర్‌. ఆయ‌న వాంటెడ్ పండుగాడ్ సినిమాలో ఓ కీల‌క పాత్ర‌లో న‌టించారు. శ్రీధర్ సీపానగారి దర్శకత్వంలో హిలేరియస్ ఎంటర్‌టైన‌ర్‌గా తెర‌కెక్కుతోన్న‘వాంటెడ్ పండుగాడ్’లో సుధీర్ న‌ట‌న అంద‌రికీ న‌చ్చుతుంది. ఈ చిత్రానికి ప్ర‌ముఖ ర‌చ‌యిత జ‌నార్ధ‌న మ‌హ‌ర్షి క‌థ‌, మాట‌లు, స్క్రీన్ ప్లే అందిస్తున్నారు. మారేడుమిల్లిలో పెద్ద షెడ్యూల్‌ను పూర్తి చేశాం. త‌ర్వాత హైద‌రాబాద్ ప‌రిస‌ర ప్రాంతాల్లో కొంత షూటింగ్ చేశాం. సినిమా షూటింగ్ దాదాపు పూర్త‌య్యింది. మూడు, నాలుగు రోజులు మాత్ర‌మే బ్యాలెన్స్ ఉంది. అన్ని కార్య‌క్ర‌మాల‌ను పూర్తి చేసి త్వ‌ర‌లోనే సినిమా రిలీజ్ డేట్‌ను అనౌన్స్ చేస్తాం’’ అన్నారు.

మరిన్ని ఇక్కడ చదవండి :

ఇవి కూడా చదవండి