NTR 30: అప్డేట్ వచ్చేసింది.. సమయం వచ్చిందంటూ అదరగొట్టిన ఎన్టీఆర్.. ఫ్యాన్స్‏కు ఇక పూనకాలే..

అప్పుడప్పుడు ధైర్యానికి కూడా తెలియదు.. అవసరానికి మించి తాను ఉండకూడదని.. అప్పుడు భయానికి కూడా తెలియాలి.

Ntr

Rajitha Chanti |
Updated on: May 19, 2022 | 7:40 PM

యంగ్ టైగర్ ఎన్టీఆర్ (NTR jr).. డైరెక్టర్ కొరటాల శివ దర్శకత్వంలో రాబోతున్న #NTR 30 మూవీ అప్డేట్ వచ్చేసింది. వీరిద్దరి కాంబోలో వస్తోన్న ఈ మూవీపై అంచనాలు భారీగానే ఉన్నాయి. ఈ సినిమా అప్డేట్ కోసం తారక్ అభిమానులు వేయి కళ్లతో ఎదురుచూస్తున్నారు. తాజాగా ఫ్యాన్స్ నిరీక్షణకు తెర దింపారు మేకర్స్. తాజాగా ఎన్టీఆర్ పుట్టినరోజు సందర్భంగా ఈ సినిమా నుంచి స్పెషల్ అప్డేట్ ఇచ్చారు . శుక్రవారం (మే 20) ఎన్టీఆర్ పుట్టిన రోజు కావడంతో #NTR 30 సినిమా నుంచి ఓ ఆసక్తికర వీడియోను రిలీజ్ చేసింది చిత్రయూనిట్..

ఆ వీడియోలో ఎన్టీఆర్ వర్షంలో నిలబడి రక్తంతో తడిసిన కత్తి పట్టుకుని “అప్పుడప్పుడు ధైర్యానికి కూడా తెలియదు.. అవసరానికి మించి తాను ఉండకూడదని.. అప్పుడు భయానికి కూడా తెలియాలి. తను రావాల్సిన సమయం వచ్చిందని.. వస్తున్నా“.. అంటూ డైలాగ్‏తో అదరగొట్టాడు ఎన్టీఆర్. తాజాగా విడుదలైన వీడియో చూస్తూంటే.. వీరిద్దరి కాంబోలో రాబోయే సినిమా యాక్షన్ నేపథ్యంలో ఉండబోతున్నట్లుగా తెలుస్తోంది. అంతేకాకుండా.. నేపథ్య సంగీతం కూడా ఓ రేంజ్‏లో ఉండబోతున్నట్లు తెలుస్తోంది. ఇప్పుడు విడుదలైన వీడియోతో ఈ సినిమాపై అంచనాలను భారీగా పెంచేసింది చిత్రయూనిట్.. ఈ చిత్రాన్ని యువసుధ ఆర్ట్స్, ఎన్టీఆర్ ఆర్ట్స్ బ్యానర్లు సంయుక్తంగా నిర్మిస్తున్నాయి. ఈ సినిమాలో ఎన్టీఆర్ సరసన బాలీవుడ్ బ్యూటీ అలియా భట్ నటిస్తున్నట్లుగా గతంలో వార్తలు చక్కర్లు కొట్టాయి. కానీ అనుహ్యంగా ఇప్పుడు రష్మిక మందన్నా పేరు వినిపిస్తోంది. అలాగే ఈ సినిమాకు అనిరుధ్ సంగీతం అందిస్తున్నారు.

ఇవి కూడా చదవండి