వకీల్ సాబ్ డైరెక్టర్ నెక్స్ట్ సినిమా ఎప్పుడు..? ‘ఐకాన్’ కోసం ఎదురుచూస్తున్న అల్లు అర్జున్ అభిమానులు..

Vakeel Saab Director Venu Sriram: పవర్ స్టార్ పవన్ కళ్యాణ్ నటించిన 'వకీల్ సాబ్' సినిమా సంచలన విజయాన్ని సొంతంచేసుకుంది. బాలీవుడ్ సూపర్ హిట్ పింక్ మూవీకి ఈ సినిమా రీమేక్ గా తెరకెక్కింది.

  • Rajeev Rayala
  • Publish Date - 5:09 pm, Mon, 12 April 21
వకీల్ సాబ్  డైరెక్టర్ నెక్స్ట్ సినిమా ఎప్పుడు..?  'ఐకాన్' కోసం ఎదురుచూస్తున్న అల్లు అర్జున్ అభిమానులు..
Bunny

Vakeel Saab Director Venu Sriram : పవర్ స్టార్ పవన్ కళ్యాణ్ నటించిన ‘వకీల్ సాబ్’ సినిమా సంచలన విజయాన్ని సొంతంచేసుకుంది. బాలీవుడ్ సూపర్ హిట్ పింక్ మూవీకి ఈ సినిమా రీమేక్ గా తెరకెక్కింది. ఈ సినిమాకు వేణు శ్రీరామ్ దర్శకత్వం వహించారు. ఇక దాదాపు మూడేళ్ళ తర్వాత పవన్ ను వెండి తెరపైన చూసిన అభిమానుల ఆనందానికి అవధులు లేవనే చెప్పాలి. వకీల్ సాబ్ సినిమా మొదటి షో నుంచే బ్లాక్ బస్టర్ టాక్ ను సొంతం చేసుకుంది. ఇదిలా ఉంటే ఈ సినిమా తర్వాత దర్శకుడు వేణు శ్రీరామ్ ఎవరితో సినిమా చేస్తున్నాడన్నది ఇప్పుడు ఆసక్తిగా మారింది. వకీల్ సాబ్ సినిమా సూపర్ హిట్ అయ్యింది కాబట్టి శ్రీరామ్ కు వరుస అవకాశాలు క్యూ కడతాయి. అయితే వకీల్ సాబ్ సినిమాకంటే ముందే స్టైలిష్ స్టార్ అల్లు అర్జున్ తో సినిమాను కన్ఫామ్ చేసాడు వేణు శ్రీరామ్. ఈ మూవీకి ఐకాన్ అనే ఇంట్రస్టింగ్ టైటిల్ ను కూడా పెట్టేసాడు. అయితే ఈ సినిమా షూటింగ్ ఆగిపోయిందని ఈ మధ్య వార్తలు ఫిలిం నగర్ లో చక్కర్లు కొడుతుంది. వకీల్ సాబ్ సినిమాను అనౌన్స్ చేసిన తర్వాత వేణు శ్రీరామ్ పూర్తిగా ఆ సినిమా పనిలో పడ్డాడు. అటు బన్నీ కూడా సుకుమార్ దర్శకత్వంలో తెరకెక్కుతున్న పుష్ప సినిమా షూటింగ్ తో ఫుల్ బిజీగా ఉన్నాడు.

ప్రస్తుతం ‘పుష్ప’ సినిమా షూటింగ్ శరవేగంగా జరుగుతుంది. ఈ సినిమాలో బన్నీ లారీ డ్రైవర్ గా కనిపించనున్నాడు. గంధపు చక్కల స్మగ్లింగ్ నేపథ్యంలో ఈ సినిమా తెరకెక్కుతుంది. ఇక ఈ సినిమా తర్వాత కొరటాల శివతో ఓ సినిమా చేస్తున్నాడు బన్నీ ఆ సినిమా తర్వాత త్రివిక్రమ్ తో సినిమా చేసే అవకాశం ఉందని టాక్ వినిపిస్తుంది.  ఇక దర్శకుడు వేణు శ్రీరామ్ కోసం స్టార్ హీరోలు వెయిట్ చేస్తున్నారని తెలుస్తుంది. దాంతో ఐకాన్ సినిమా అటకెక్కేసిందని టాక్ నడుస్తుంది.  తాజాగా ఈ సినిమా పై మరో వార్త వినిపిస్తుంది. పుష్ప సినిమా అనుకోని కారణాలవల్ల ఆలస్యం అవుతుందట. దాంతో ఆ తర్వాత  కొరటాల తో అనుకున్న సినిమా కూడా కాస్త వెనకకు వెళ్లనుందట. అయితే  కొరటాల మెగాస్టార్ ఆచార్యను పూర్తి చేసి ఎన్టీఆర్ తో సినిమా చేసే యోచనలో ఉన్నాడట. దాంతో పుష్ప సినిమా తర్వాత వచ్చిన గ్యాప్ లో ఐకాన్ సినిమాను పూర్తి చేయాలని చూస్తున్నాడట బన్నీ. చూడాలి మరి ఏం జరుగుతుందో..

మరిన్ని ఇక్కడ చదవండి : 

‘దేశాన్ని ప్రేమించటం అందరి పని. వాళ్లని కాపాడటం సోల్జర్‌ పని’.. ఆకట్టుకుంటున్న ‘మేజర్’ టీజర్..

Akshay Kumar Covid: కరోనా నుంచి కోలుకున్న స్టార్‌ హీరో… ‘ఆల్‌ ఈజ్‌ వెల్‌’ అంటోన్న ఆయన సతీమణి..

రవితేజ ‘ఖిలాడి’ టీజర్ వీరలెవల్.. బ్యాక్‏గ్రౌండ్ మ్యూజిక్‏తోనే చింపేశాడు.. మరింత డేంజరస్‏గా మాస్ మాహారాజ్..