Pawan Kalyan: జోరు పెంచిన పవర్ స్టార్ .. మరో సినిమా గ్రీన్ సిగ్నల్ ఇచ్చిన పవన్ కళ్యాణ్..

Pawan Kalyan: దాదాపు మూడేళ్ల తర్వాత పవన్ కల్యాణ్ రీ ఎంట్రీ ఇచ్చిన సినిమా ‘వకీల్ సాబ్’. ఈ మూవీ శుక్రవారం ప్రపంచవ్యాప్తంగా గ్రాండ్‌గా రిలీజ్ అయింది. బాలీవుడ్ బ్లాక్‌బస్టర్ ‘పింక్‌’కు రీమేక్‌గా వచ్చిన ‘వకీల్ సాబ్’కు వేణు శ్రీరామ్ దర్శకత్వం వహించగా.. దిల్ రాజు, బోనీకపూర్ సంయుక్తంగా నిర్మించారు. ఈ సినిమా బ్లాక్ బస్టర్ హిట్ ను అందుకుంది. అలాగే వకీల్‌ సాబ్‌ సెట్స్ మీద ఉండగానే క్రిష్ డైరెక్షన్‌లో పీరియాడిక్‌ డ్రామాను స్టార్ట్ చేశారు పవన్‌. అయితే లాక్‌ డౌన్‌ కారణంగా ఆ సినిమా షూటింగ్ వాయిదా పడుతూ వస్తోంది. ఇప్పుడు క్రిష్ సినిమాతో పాటు మరో ప్రాజెక్ట్‌ను కూడా లైన్‌లో పెట్టారు. మలయాళ సూపర్ హిట్ ‘అయ్యప్పనుమ్‌ కోషియం’ రీమేక్‌ కూడా ఈ మధ్య స్టార్ట్ అయ్యింది. ఈ సినిమాలో పవన్ తో పాటు దగ్గుబాటి హీరో రానా కూడా నటిస్తున్నారు. ఈ రెండు సినిమాలను కూడా ఈ ఏడాదిలోనే రిలీజ్ చేసేందుకు ప్లాన్ చేస్తున్నారు పవర్‌ స్టార్‌ పవన్ కల్యాణ్‌. రెండు సినిమా షూటింగ్‌లు ప్యారలల్‌గా పూర్తి చేసేందుకు డేట్స్ అడ్జస్ట్ చేస్తున్నారు పవర్‌ స్టార్‌.

ఈ సినిమాలతోపాటు హరీష్ శంకర్ దర్శకత్వంలో ఒక సినిమాను.. సురేందర్ రెడ్డి దర్శకత్వంలో ఒక సినిమాను చేస్తున్నారు పవన్. ఇప్పడు మరో సినిమాకు కూడా పవన్ గ్రీన్ సిగంల్ ఇచ్చారని తెలుస్తుంది. ప్రముఖ నిర్మాత జె పుల్లారావు నిర్మాణంలో పవన్ ఒక సినిమాను చేసేందుకు అడ్వాన్స్ తీసుకున్నాడట. ఆ విషయాన్ని స్వయంగా నిర్మాత పుల్లారావు చెప్పుకొచ్చాడు. పవన్ కోసం ఇప్పటికే తాము కథ సిద్దం చేయించాము. ప్రస్తుతం పవన్ చేస్తున్న సినిమాలు పూర్తి అయిన వెంటనే మా సినిమాను చేస్తాడని ఆయన పేర్కొన్నాడు.

మరిన్ని ఇక్కడ చదవండి : 

• Prabhas Adipurush: ఆదిపురుష్ మూవీ అప్డేట్ ఇవ్వమని చిత్ర యూనిట్ ని డిమాండ్ చేస్తున్న డార్లింగ్ ఫ్యాన్స్

• Renu on Badri: బద్రి షూటింగ్ విశేషాలను గుర్తు చేసుకుని.. డైరెక్టర్ కి థాంక్స్ చెప్పిన రేణు దేశాయ్