Penny Song: పెన్నీ సాంగ్ మేకింగ్ వీడియో చూశారా.. సీతూపాప ఎంత ముద్దుగా చేసిందో..

సూపర్ స్టార్ మహేష్ బాబు (Mahesh Babu).. కీర్తి సురేష్ (Keerthy Suresh) జంటగా నటిస్తోన్న సినిమా సర్కారు వారి పాట (Sarkaru Vaari Paata) . డైరెక్టర్ పరశురామ్ దర్శకత్వం

Sitara

Rajitha Chanti |
Updated on: Mar 29, 2022 | 8:49 AM

సూపర్ స్టార్ మహేష్ బాబు (Mahesh Babu).. కీర్తి సురేష్ (Keerthy Suresh) జంటగా నటిస్తోన్న సినిమా సర్కారు వారి పాట (Sarkaru Vaari Paata) . డైరెక్టర్ పరశురామ్ దర్శకత్వం వహిస్తున్న ఈ మూవీ కోసం సూపర్ స్టార్ ఫ్యాన్స్ ఎంతో ఆసక్తిగా ఎదురుచూస్తున్నారు. ఇప్పటికే ఈ మూవీ నుంచి విడుదలైన పోస్టర్స్, సాంగ్స్ సినిమాపై మరింత అంచనాలను పెంచేశాయి. అంతేకాకుండా.. ఇందులో మహేష్ మునుపటి కంటే మరింత స్టైలీష్ అండ్ హ్యాండ్సమ్ లుక్‏లో కనిపించనున్నాడు. ఇటీవల విడుదలైన కళావతి పాటకు అద్భుతమైన రెస్పాన్స్ వచ్చింది. అనంత్ శ్రీరామ్ రాసిన ఈ పాటకు సిద్ధ్ శ్రీరామ్ అద్భుతమైన గాత్రంతో పాటను ప్రేక్షకుల మనసును తాకేలా చేశారు. అలాగే ఇటీవల విడుదలైన పెన్నీ సాంగ్ యూట్యూబ్‏ను షేక్ చేస్తోంది. సాంగ్ మేకింగ్, విజువల్స్ ప్రేక్షకులను ఆకట్టుకోగా.. ఆ పాటలో మహేష్ గారాల పట్టి సితార తన డ్యాన్స్ .. ఎక్స్‏ప్రెషన్స్‏తో అదరగొట్టింది. మొదటి సారి సితార (sitara ghattamaneni) స్క్రీన్ షేర్ చేసుకోవడంతో ఈ పాటకు భారీ స్థాయిలో రెస్పాన్స్ వచ్చింది. మహేష్.. సితార ఓకే సాంగ్‏లో స్టెప్పులేయడంతో ఫ్యాన్స్ పుల్ ఖుషి అయ్యారు. తాజాగా పెన్నీ సాంగ్ మేకింగ్ వీడియోను రిలీజ్ చేసింది చిత్రయూనిట్.

అందులో సితారతో స్టెప్పులేపిస్తన్న కొరియోగ్రాఫర్స్, మ్యూజిక్ డైరెక్టర్ తమన్, మహేష్ బాబు సతీమణి సందడి చేస్తూ కనిపించారు. పెన్నీ పాట కోసం సితార చేస్తున్న డ్యాన్స్, ఎక్స్‏ప్రెషన్స్ ఆకట్టుకుంటున్నాయి. ఈ వీడియోను షేర్ చేస్తూ నమ్రత చిత్రయూనిట్‏కు థ్యాంక్స్ చెప్పింది.. “థాంక్యూ ఫర్ ఆల్ ది మెమోరీస్ ” అంటూ ట్యాగ్ చేసింది. ఈ వీడియో ఇప్పుడు నెట్టింట్లో తెగ వైరల్ అవుతుంది. పాటలతోనే రికార్డులను క్రియేట్ చేస్తున్న ఈ సినిమా విడుదలైన తర్వాత ఇప్పటివరకు ఉన్న రికార్డులను తన ఖాతాలో వేసుకోవడం ఖాయం అంటున్నారు ఫ్యాన్స్. మహేష్ సినిమాతో ఈసారి బాక్సాఫీస్ బద్దలు కావడం ఖాయం అంటున్నారు అభిమానులు. మైత్రీ మూవీ మేకర్స్, GMB ఎంటర్‌టైన్‌మెంట్, 14 రీల్స్ ప్లస్ బ్యానర్‌లపై నవీన్ యెర్నేని, వై. రవిశంకర్, రామ్ ఆచంట, గోపీచంద్ ఆచంట సంయుక్తంగా ఈ చిత్రాన్ని నిర్మిస్తున్నారు. సర్కారు వారి పాట మే 12న వేసవి కానుక‌గా థియేట‌ర్ల‌లో సంద‌డి చేయ‌బోతోంది.

ట్వీట్..