Chinmayi Sripada: నన్ను వేధించిన వ్యక్తికి మీరు సన్మానాలు చేస్తారా..? చిన్మయి ట్వీట్ వైరల్

Chinmayi Sripada

సింగర్ చిన్మయి శ్రీపాద్ గురించి ప్రత్యేకంగా చెప్పాల్సిన అవసరం లేదు. తన గాత్రంతో లక్షలాది మంది ఫాలోవర్స్ ను సొంతం చేసుకున్నారు ఈ స్టార్ సింగర్. అంతే కాదు సమాజం లో జరిగే విషయాలపైన కూడా తన స్వరం వినిపించారు చిన్మయి. తాజాగా చిన్మయి స్టార్ హీరో కమల్ హాసన్ పై తన అసంతృప్తిని వ్యక్తం చేశారు. కమల్ హాసన్ పై అసంతృప్తి వ్యక్తం చేస్తూ చిన్మయి చేసిన ట్వీట్ ఇప్పుడు సోషల్ మీడియాలో వైరల్ గా మారింది. ఇంతకు చిన్మయి ఎందుకు కమల్ పై కామెంట్స్ చేశారంటే..?

గీత రచయిత వైరముత్తు రచించిన ‘మహా కివితై’ పుస్తకావిష్కరణ ఇటీవల గ్రాండ్ గా జరిగింది. తమిళనాడు ముఖ్యమంత్రి ఎంకే స్టాలిన్, మాజీ ఆర్థిక మంత్రి పి. చిదంబరం, కమల్ హాసన్ తదితరులు ఈ కార్యక్రమంలో పాల్గొన్నారు. అయితే దీన్ని చిన్మయి ఖండించారు. మహిళలను వేధించిన వారికి మద్దతుగా పెద్ద మనుషులు ఉన్నారనే కోణంలో ఆమె ట్వీట్ చేశారు. దాంతో ఇప్పుడు ఈ ట్వీట్ వైరల్ గా మారింది. పుస్తకావిష్కరణ కార్యక్రమం గురించి ప్రముఖ టీవీ ఛానెల్ ట్వీట్ చేసింది. దీన్ని చిన్మయి రీట్వీట్ చేశారు. నన్ను వేధించిన వ్యక్తికి తమిళనాడులోని కొందరు శక్తివంతమైన వ్యక్తులు మద్దతు ఇస్తున్నారని ఆమె ఆరోపించింది.

2018లో చిన్మయి గీత రచయిత వైరముత్తుపై లైంగిక వేధింపుల ఆరోపణలు చేసిన విషయం తెలిసిందే. ఆ తర్వాత అతని ఆరోపణలు నిజం లేదంటూ ఆమెను ఐదేళ్ల పాటు తమిళ్ ఇండస్ట్రీ నుంచి నిషేధం విధించారు. దీనిపై విమర్శలు చేస్తూనే  ఉంది చిన్మయి. గతంలోనూ కమల్ పై కామెంట్స్ చేశారు చిన్మయి. తాజాగా ఆమె చేసిన ట్వీట్ వైరల్ గా చక్కర్లు కొడుతోంది.

చిన్మయి ట్విట్టర్ లేటెస్ట్ పోస్ట్..

మరిన్ని సినిమా వార్తల కోసం ఇక్కడ క్లిక్ చేయండి