Dhanush: నో గ్యాప్ అంటున్న స్టార్ హీరో.. బ్యాక్ టూ బ్యాక్ సినిమాలతో రానున్న ధనుష్.. శేఖర్ కమ్ముల మూవీస్టోరీ ఇదేనా..

Dhanush: టాలీవుడ్ సెన్సిబుల్ డైరెక్టర్ శేఖర్ కమ్ముల సినిమాలు చాలా సహజంగా..నిజజీవితానికి చాలా దగ్గరగా ఉంటాయి. సోల్ ఉన్న కథలను ఎంచుకుంటూ ఆ ఫీల్‌‌‌ను సినిమా అంతా క్యారీ అయ్యేలా చేయడం శేఖర్ కమ్ముల స్టైల్. ఈ ఫార్ములాతోనే ఆయన ఎన్నో అందమైన సినిమాలను తెరకెక్కించారు. శేఖర్ కమ్ముల సినిమాలు టాక్‌‌‌తో సంబంధం లేకుండా ప్రేక్షకులను ఆకట్టుకుంటాయి. ఈ క్రమంలోనే ఆయన లవ్ స్టోరీ అనే అందమైన ప్రేమ కథను తెరకెక్కిస్తున్నారు. ఈ సినిమాలో నాగచైతన్య- సాయిపల్లవి హీరో హీరోయిన్లుగా నటిస్తున్నారు. లవ్ స్టోరీ సినిమా షూటింగ్ కంప్లీట్ చేసుకొని విడుదలకు సిద్ధంగా ఉంది. ఈ నేపథ్యంలోనే తమిళ్ స్టార్ హీరో ధనుష్‌‌‌తో కలిసి ఆయన ఓ సినిమా చేయబోతున్నారు. ఇటీవలే ఈ సినిమాను అఫీషియల్‌‌‌గా అనౌన్స్ చేశారు. ఈ క్రేజీ కాంబినేషన్ మూవీని తెలుగు- తమిళ్ రెండు భాషల్లో ప్రతిష్టాత్మకంగా తెరకెక్కించడానికి సన్నాహాలు జరుగుతున్నాయి. ఈ సినిమాకోసం ప్రీప్రొడక్షన్ పనులు వేగంగా జరుపుతున్నారు చిత్రయూనిట్. తాజాగా ఈ సినిమా స్టోరీకి సంబంధించిన ఓ వార్త ఫిలిం సర్కిల్స్‌‌‌ను చక్కర్లు కొడుతోంది.

అయితే  ఈ సినిమా మద్రాసు రాజధానిగా ఉన్నసమయంలో తెలుగు-తమిళ్ రాష్ట్రాలకు సంబంధించిన అంశాలతో ఉంటుందని వార్తలు వినిపించాయి. అప్పటి పరిస్థితులను, తమిళ- తెలుగు ప్రజల స్నేహం సహా భావోద్వేగాలను తెరపై  చూపించబోతున్నారని వార్తలు వినిపించాయి. అయితే ఇపుడు పొలిటికల్ బ్యాక్ డ్రాప్‌‌‌లో ఈ సినిమా ఉండనుందని మరో వార్త వినిపిస్తుంది. కంప్లీట్ పొలిటికల్ డ్రామాగా ఈ సినిమా ఉండబోతుందని అంటున్నారు. గతంలో శేఖర్ కమ్ముల తెరకెక్కించిన లీడర్ సినిమా తరహాలో ఈ మూవీ ఉండే అవకాశాలు ఉన్నాయని టాక్. ఈ వార్తల్లో నిజమెంతా అన్నది తెలియదు కానీ.. ప్రచారం మాత్రం గట్టిగా జరుగుతోంది. ఈ సినిమాతోపాటు వెంకీ అట్లూరి దర్శకత్వంలో ఓ సినిమా చేయబోతున్నాడని టాక్ వినిపిస్తోంది. ఈ సినిమా ఎడ్యుకేషన్ మాఫియా చుట్టూ తిరిగే సోషియో పొలిటికల్ డ్రామా అని తెలుస్తోంది. అలాగే ధనుష్ ఓ హాలీవుడ్ మూవీ కూడా చేస్తున్నాడు. వీటితోపాటు మిత్రన్ జవహర్ దర్శకుడిగా సన్ పిక్చర్స్ బ్యానర్‌‌‌లోనూ ధనుష్ ఓ సినిమా చేస్తున్నారు. అలాగే సెల్వరాఘవన్‌‌‌తో కలిసి `నాన్ వరువెన్` కోసం పని చేస్తున్నారు. అలాగే కార్తీక్ నరేన్ దర్శకత్వంలో `డి 43` షూటింగ్ జరుగుతోంది.ఇలా బ్యాక్ టూ బ్యాక్ సినిమాలతో దూసుకువస్తున్నాడు ధనుష్.

మరిన్ని ఇక్కడ చదవండి : 

SR Kalyana Mandapam Review: కల్యాణ మండపం కాసులు కురిపిస్తుందా?

Pori Moni: టాప్ హీరోయిన్ ఇంట్లో సోదాలు.. భారీగా డ్రగ్స్, మద్యం స్వాధీనం..

Maha Samudram: మహా సముద్రం నుంచి ‘హే రంభ’ సాంగ్ రిలీజ్.. మాస్ స్టెప్పులతో అదరగొట్టిన శర్వానంద్..