Pathaan: షారుక్ ఖాన్ సినిమాకు సెన్సార్ బోర్డు షాక్.. దీపికా అందాల ఆరబోతపై అభ్యంతరం
హీరోగా షారుక్ సినిమా చేసి చాలా కాలం అయ్యింది. చివరిగా షారుక్ నటిస్తోన్న సినిమా జీరో. ఆ సినిమా బాక్సాఫీస్ దగ్గర బోల్తాకొట్టింది. ఆ తర్వాత షారుక్ చాలా గ్యాప్ తీసుకున్నారు.
Updated on: Dec 29, 2022 | 6:29 PM
బాలీవుడ్ లో ఇప్పుడు ఎక్కడ చూసిన వినిపిస్తున్న పేరు పఠాన్. షారుక్ ఖాన్ నటిస్తున్న ఈ సినిమా కోసం ఆయన ఫ్యాన్స్ ఎంతో ఆసక్తిగా ఎదురుచూస్తున్నారు. హీరోగా షారుక్ సినిమా చేసి చాలా కాలం అయ్యింది. చివరిగా షారుక్ నటిస్తోన్న సినిమా జీరో. ఆ సినిమా బాక్సాఫీస్ దగ్గర బోల్తాకొట్టింది. ఆ తర్వాత షారుక్ చాలా గ్యాప్ తీసుకున్నారు. మధ్యలో ఒకటి రెండు సినిమాల్లో చిన్న చిన్న పాత్రల్లో కనిపించాడు. ఇక వచ్చే ఏడాది రెండు సినిమాలతో ప్రేక్షకుల ముందుకు రాబోతున్నాడు షారుక్. వాటిలో పఠాన్ సినిమా ఒకటి . యష్ రాజ్ ఫిలిమ్స్ బ్యానర్ లో ఈ సినిమా తెరకెక్కుతోంది. ఈ మూవీకి సిద్దార్థ్ ఆనంద్ దర్శకత్వం వహిస్తున్నాడు. కాగా ఈ సినిమాలో దీపికా పడుకోన్ హీరోయిన్ గా నటిస్తోంది. ఇప్పటికే ఈ సినిమానుంచి విడుదలైన పోస్టర్లు, పాటలు సోషల్ మీడియాను షేక్ చేస్తున్నాయి. కాగా ఈ మూవీ బేషరమ్ సాంగ్ వివాదాలకు కారణమైన విషయం తెలిసిందే.
ఈ సాంగ్ లో బికినిలో రెచ్చిపోయింది దీపికా. దాంతో పలు అభ్యంతరాలు వ్యక్తం అయ్యాయి. అలాగే దీపికా కాషాయం రంగు బికినీ ధరించడంతో బీజీపీ కూడా ఆగ్రహం వ్యక్తం చేసింది. దాంతో ఈ మూవీ బాయ్ కాట్ చేయాలంటూ ప్రచారం జరిగింది. తాజాగా పఠాన్ సినిమాకు సెన్సార్ బోర్డు కూడా షాక్ ఇచ్చిందని తెలుస్తోంది.
దీపిక బికినీ సహా పాటలో ఆమె అందాల ఆరబోత పై అభ్యంతరం వ్యక్తం చేసింది. పాటలో మార్పులు చేయాలని సెన్సార్ బోర్డ్ మేకర్స్ని కోరింది. కచ్చితంగా సెన్సార్ నిబంధలను పాటించి తీరాలని ఆదేశాలిచ్చింది. దాంతో ఈ పాటలో మార్పులు చేసే అవకాశం కనిపిస్తుంది. మరి ఈ వ్యవహారం పై ఇప్పటికైనా చిత్రయూనిట్ స్పందిస్తుందేమో చూడాలి.
