Samantha: చిత్రీకరణ పూర్తి చేసుకున్న సామ్‌ స్పెషల్‌ సాంగ్‌.. విడుదల తేదీని ప్రకటించిన పుష్ప టీం.. రిలీజ్‌ ఎప్పుడంటే..

ఐకాన్‌ స్టార్‌ అల్లు అర్జున్- క్రియేటివ్‌ డైరెక్టర్‌ సుకుమార్‌ కాంబినేషన్‌లో వస్తోన్న హ్యాట్రిక్‌ చిత్రం ‘ పుష్ప’. రష్మిక మందన హీరోయిన్‌గా నటిస్తోంది.మలయాళ నటుడు ఫాహిద్‌ ఫాజిల్‌, అనసూయ, అజయ్‌ తదితరులు ప్రధాన పాత్రలు పోషిస్తున్నారు. ఎర్రచందనం స్మగ్లింగ్‌ నేపథ్యంలో తెరకెక్కుతోన్న ఈ పాన్‌ ఇండియా సినిమాలో సమంత స్పెషల్‌ సాంగ్‌ చేస్తున్న విషయం తెలిసిందే. కాగా ఇటీవల ప్రారంభమైన ఈ సాంగ్‌ చిత్రీకరణ అప్పుడే పూర్తైందట. ఈ నేపథ్యంలో సామ్‌ స్పెషల్‌ సాంగ్‌కు సంబంధించి చిత్ర బృందం తాజాగా ఓ అప్‌డేట్‌ ఇచ్చింది. డిసెంబర్‌ 10న ఈ సాంగ్‌ విడుదల చేయబోతున్నట్లు ప్రకటించింది. కాగా గతంలో లంగా జాకెట్‌ ధరించి, మాస్‌ లుక్‌తో కనిపిస్తున్న సమంత ఫోటోను విడుదల చేసిన పుష్ప టీం తాజాగా మరొక కొత్త లుక్‌ను రిలీజ్‌ చేసింది. ‘చలికాలంలో హీట్‌ పెంచే పాట ఇది.. సిజలింగ్‌ సాంగ్‌ ఆఫ్‌ ది ఇయర్‌’ అంటూ ఈ సందర్భంగా ట్వీట్‌ చేసింది చిత్రబృందం.

ఈ సినిమాకు దేవిశ్రీ ప్రసాద్‌ సంగీతం అందిస్తున్నారు. ఈ నేపథ్యంలో రాక్‌స్టార్‌ బాణీలకు సామ్‌ ఇరగదీసే స్టెప్పులేసిందని సమాచారం. కాగా ఇప్పటివరకు ఒక్కసారి కూడా స్పెషల్‌ సాంగ్స్ చేయని సామ్‌ బన్నీ, సుకుమార్‌ కోసం ఈ పాటకు సై అంది. ఈ నేపథ్యంలో సమంత పాటకోసం అభిమానులు ఆసక్తిగా ఎదురుచూస్తున్నారు. కాగా కేవలం ఐదు రోజుల్లోనే పూర్తయిన ఈ సాంగ్‌ షూట్‌ కోసం సమంత భారీగా రెమ్యునరేషన్‌ అందుకున్నట్లు తెలుస్తోంది. కాగా పాన్‌ ఇండియా స్థాయిలో రూపొందిన ఈ చిత్రం తెలుగుతో పాటు తమిళం, కన్నడ, మలయాళం, హిందీ భాషల్లో విడుదల కానున్న సంగతి తెలిసిందే. మొత్తం రెండు భాగాలుగా తెరకెక్కిన ఈ సినిమా మొదటి పార్ట్‌ డిసెంబర్‌ 17న ప్రేక్షకుల మందుకు రానుంది.

This winter is going to get heated up with @Samanthaprabhu2‘s moves ??

‘Sizzling Song of The Year’ on 10th DEC ??#PushpaTheRise#PushpaTheRiseOnDec17 @alluarjun @iamRashmika @aryasukku @ThisIsDSP @resulp @adityamusic @MythriOfficial pic.twitter.com/KL0d6L10ya

— Pushpa (@PushpaMovie) December 8, 2021

Also Read:

Lobo: మెగాస్టార్‌ చిత్రంలో ఛాన్స్‌ దక్కించుకున్న లోబో!.. ఏ సినిమాలో అంటే..

Shraddha Kapoor: త్వరలోనే పెళ్లిపీటలెక్కనున్న సాహో బ్యూటీ!.. హింట్‌ ఇచ్చిన ప్రముఖ నటి..

RRR movie Trailer: ఆర్‌ఆర్‌ఆర్‌ ట్రైలర్‌ రిలీజ్‌.. బందోబస్త్‌ కావాలంటోన్న థియేటర్ల ఓనర్లు..