Samantha : ఫ్యాన్స్ గుడి కట్టడం పై సమంత రియాక్షన్.. ఎంకరేజ్ చేయను అంటూ..

తన జీవితంలో ఒడిదుడుకులు ఉన్నప్పటికీ మళ్లీ సినిమాల్లో బిజీ అయ్యేందుకు రెడీ అవుతోంది సమంత. ఓవైపు వరుసగా వెబ్ సిరీస్‌లలో నటిస్తోన్న ఆమె మరోవైపు కొన్ని సినిమాలకు నిర్మాతగానూ వ్యవహరిస్తోంది. కాగా న్యూ ట్యాలెంట్ ను ఎంకరేజ్ చేసేందుకు సమంత ‘త్రాలాలా మూవింగ్ పిక్చర్స్’ అనే నిర్మాణ సంస్థను ప్రారంభించిన విషయం తెలిసిందే. ఈ ప్రొడక్షన్ బ్యానర్ లో రూపొందిన ఒక సినిమా ఇప్పుడు విడుదలకు సిద్ధంగా ఉంది. ఇప్పటికే ఈ సినిమా ట్రైలర్ ను విడుదల చేశారు మేకర్స్. ఈ ట్రైలర్ ఎంతో ఆసక్తికరంగా సాగింది. మే 9న శుభం సినిమా ప్రేక్షకుల ముందుకు రానుంది. ఇదిలా ఉంటే ఇటీవల సమంత అభిమాను ఒకరు ఆమె పుట్టిన రోజు సందర్భంగా సామ్ కు గుడి కట్టిన విషయం తెలిసిందే. తాజాగా సామ్ దీని పై స్పందించింది.

రీసెంట్ గా శుభం సినిమా ప్రమోషన్స్ లో ఆమె మాట్లాడుతూ.. ప్రస్తుతం నేను ‘మా ఇంటి బంగారం’ అనే చిత్రాన్ని చేస్తున్నాను. జూన్ నుంచి మళ్లీ షూట్‌కు వెళ్తున్నాం. షూట్ స్టార్ట్ అయ్యాక మళ్లీ అప్డేట్లు వస్తుంటాయి. అట్లీ గారితో నాకు చాలా మంచి రిలేషన్ ఉంది. భవిష్యత్తులో మేం ఇద్దరం కలిసి ప్రాజెక్ట్ చేస్తామేమో చూడాలి. ‘శుభం’ చిత్రానికి వసంత్ కథను అందించారు. ఈ మూవీ చూసిన తరువాత ప్రతీ ఒక్క ఆడియెన్స్ మీద ప్రభావం చూపించాలని కోరుకున్నాను. దాదాపు మహిళలందరికీ సీరియల్స్ అంటే పిచ్చి ఉంటుంది. ఇది జనరల్ హారర్, కామెడీ అనేలా మాత్రం ఉండదు. సోషల్ సెటైర్ ఉంటుంది కానీ.. మెసెజ్ ఉంటుందా? లేదా? అన్నది మీరే (ఆడియెన్స్) తెలుసుకోండి.

నాకు నేనే ఓ పెద్ద విమర్శకులురాలిని. ఏ సినిమాలో ఎక్కడ తప్పు చేశానో నాకు తెలుస్తుంది. ఈ చిత్రంలో ఎలాంటి తప్పులు జరగకూడదని ఎడిటింగ్ టేబుల్ వద్ద చాలా కష్టపడ్డాం. ఫస్ట్ సీన్ నుంచి లాస్ట్ సీన్ వరకు ఎక్కడా బోర్ కొట్టకుండా ఉండేలా సినిమాను కట్ చేశాం. నేను ఎప్పుడైనా కూడా నా మనసుకు నచ్చిందే చేశాను. నేను ఓ స్మార్ట్ ప్రొడ్యూసర్‌ని కాకపోవచ్చు.. నాకు బిజినెస్ గురించి అంతగా తెలియకపోవచ్చు.. కానీ ఈ సినిమాను నా మనసుకు నచ్చింది కాబట్టి చేశాను. అందరి అంచనాలకు తగ్గట్టుగా ఈ చిత్రం ఉంటుందని మాత్రం చెప్పగలను. ఓ అభిమాని నా కోసం గుడి కట్టారని తెలిసి ఆశ్చర్యపోయాను. నా మీద ఇంత ప్రేమ చూపిస్తున్నారా? అని అనుకున్నా. ఏం చెప్పాలో కూడా నాకు అర్థం కావడం లేదు. అది అతని ప్రేమను చూపించే తీరు అని అనిపించింది. కానీ ఇలా నాకు గుళ్లు కట్టి, నాకు పూజలు చేసే పద్దతిని మాత్రం నేను ఎంకరేజ్ చేయలేను. ‘శుభం’ చిత్రానికి మంచి డేట్ దొరికింది. మే 9 అనేది సమ్మర్ హాలీడేస్‌లో ఉంటుంది. ఫ్యామిలీ అంతా కలిసి చూసేందుకు వీలుంటుంది. మంచి డేట్ దొరకడం మా అదృష్టం. క్లింటన్ సెరెజో సంగీతం బాగుంటుంది. పాత కాలానికి తీసుకు వెళ్లేలా పాటలు ఉంటాయి. వివేక్ సాగర్ బీజీఎం అందరినీ ఆకట్టుకుంటుంది. మే 9న రిలీజ్ అవుతున్న మా ‘శుభం’ సినిమాని అందరూ చూసి సక్సెస్ చేయండి.

మరిన్ని సినిమా వార్తల కోసం ఇక్కడ క్లిక్ చేయండి.