రామ్ చరణ్ సినిమాకోసం రంగంలోకి దిగిన బుర్రా సాయిమాధవ్.. శంకర్ సినిమా డైలాగ్ రైటర్ గా..

మెగా పవర్ స్థార్ రామ్ చరణ్ ప్రస్తుతం శరవేగంగా ఆర్ ఆర్ ఆర్ సినిమాను పూర్తి చేసే పనిలో ఉన్నాడు. ఈ సినిమాలో చరణ్ అల్లూరిగా కనిపించనున్న విషయం తెలిసిందే.

Rc15

TV9 Telugu Digital Desk | Edited By: Anil kumar poka|
Updated on: Jul 14, 2021 | 7:59 AM

మెగా పవర్ స్థార్ రామ్ చరణ్ ప్రస్తుతం శరవేగంగా ఆర్ ఆర్ ఆర్ సినిమాను పూర్తి చేసే పనిలో ఉన్నాడు. ఈ సినిమాలో చరణ్ అల్లూరిగా కనిపించనున్న విషయం తెలిసిందే. ఈ సినిమాకోసం మెగా అభిమానులంతా ఎంతో ఆసక్తిగా ఎదురుచూస్తున్నారు. ఈ సినిమాతోపాటు కొరటాల మెగాస్టార్ కాంబినేషన్ లో వస్తున్న ఆచార్య సినిమాలోనూ నటిస్తున్నాడు చరణ్. ఈ రెండు సినిమాలు పూర్తయిన వెంటనే శంకర్ దర్శకత్వంలో ఓ సినిమాను పట్టాలెక్కించనున్నాడు. శంకర్ డైరెక్షన్ లో చరణ్ సినిమా అని తెలిసిన దగ్గర మెగా అభిమానుల్లో ఆసక్తి నెలకొంది. శంకర్ చరణ్ తో ఎలాంటి కథను తెరకెక్కిస్తాడా అని అందరు మాట్లాడుకుంటున్నారు. అయితే ఈ సినిమా పొలిటికల్ బ్యాక్ డ్రాప్ లో ఉంటుందని ఆమధ్య వార్తలు వినిపించాయి. అంతే కాదు చరణ్ సీఎం గా కనిపించనున్నాడని కూడా వార్తలు చక్కర్లు కొట్టాయి. ఇదిలా ఉంటే ఈ సినిమాకు సంబంధించి ఎలాంటి వార్త బయటకు వచ్చిన అది క్షణాల్లో వైరల్ గా మారుతుంది.

తాజాగా తెలుగులో భారీ చిత్రాలకు పనిచేస్తూ, స్టార్ రైటర్ గా పేరుతెచ్చుకున్న సాయిమాధవ్ బుర్రా ఈ చిత్రానికి డైలాగ్స్ రాయనున్నారు. ఈ విషయాన్నీ చిత్రయూనిట్ అఫీషియల్ గా కన్ఫామ్ చేసింది. ఈ విషయాన్ని సోషల్ మీడియా వేదికగా వెల్లడించిన సాయి మాధవ్.. శంకర్ తో కలిసి పని చేసే అవకాశం వచ్చినందుకు సంతోషం వ్యక్తం చేశారు.సాయి మాధవ్ మాట్లాడుతూ.. జెంటిల్ మేన్ సినిమా చూసినప్పుడు శంకర్ గారితో ఓ ఫొటో దిగితే ఈ జీవితానికి చాలనుకున్నాను. ఇప్పుడాయన సినిమాకి మాటలు రాస్తున్నాను..’ అంటూ ఆనందం వ్యక్తం చేశారు సాయి మాధవ్. ఈ సినిమా దిల్ రాజు బ్యానర్ లో వస్తున్న ఈ 50వ సినిమా.. చరణ్ కెరీర్ లో 15వ చిత్రం కావడం విశేషం.