Shakini -Dakini: ఇద్దరు ముద్దుగుమ్మల యాక్షన్ సీక్వెన్స్‌లు.. “శాకిని -డాకిని”గా రెజీనా, నివేద
ఓ బేబీ వంటి సూపర్ హిట్ చిత్రం తర్వాత సురేష్ ప్రొడక్షన్స్, గురు ఫిలిమ్స్, క్రాస్ పిక్చర్స్ కాంబినేషన్‌లో రూపొందుతున్న రెండో చిత్రం శాకిని డాకిని.
Shakini Dakini: ఓ బేబీ వంటి సూపర్ హిట్ చిత్రం తర్వాత సురేష్ ప్రొడక్షన్స్, గురు ఫిలిమ్స్, క్రాస్ పిక్చర్స్ కాంబినేషన్‌లో రూపొందుతున్న రెండో చిత్రం శాకిని డాకిని. డి. సురేష్ బాబు, సునీత తాటి, హ్యున్ వ్యూ థామస్ కిమ్ సంయుక్తంగా ఈ చిత్రాన్ని నిర్మిస్తున్నారు. టాలెంటెడ్ డైరెక్టర్ సుధీర్ వర్మ ఈ చిత్రానికి దర్శకుడిగా వ్యవహరిస్తున్నారు. ఈ చిత్రంలో అందాల భామలు రెజీనా కాసాండ్రా, నివేదా థామస్‌లు ప్రధాన పాత్రల్లో నటిస్తున్నారు.
నివేదా థామస్ పుట్టిన రోజు సందర్భంగా ఈ చిత్రం టైటిల్ పోస్టర్‌ను విడుదల చేశారు. శాకిని- డాకిని టైటిల్ ఆసక్తికరంగా ఉండడంతో ఈ చిత్రంపై పాజిటివ్ బజ్ ఏర్పడింది. ఇక ఈ చిత్రంలో ఇద్దరు హీరోయిన్స్ యాక్షన్ సీక్వెన్స్‌లు చేయడం విశేషం. ఇక ఈ మూవీ షూటింగ్ పూర్తయింది. ప్రస్తుతం పోస్ట్ ప్రొడక్షన్ పనుల్లో చిత్రయూనిట్ బిజీగా ఉంది. ఈ చిత్రానికి రిచర్డ్ ప్రసాద్ కెమెరామెన్‌గా, మిక్కీ మెల్క్రెరీ సంగీత దర్శకుడుగా వ్యవహరిస్తున్నారు. ఇక రెజీనా తెలుగులో సినిమాలు తగ్గించింది. కానీ ఈ అమ్మడికి తమిళ్ మాత్రం మంచి అవకాశాలు వస్తున్నాయి. ఈ ముద్దుగుమ్మ నటించిన నేనేనా అనే హారర్ మూవీ రిలీజ్ కు రెడీగా ఉంది. ఇక నివేద థామస్ అటు తమిళ్ తోపాటు తెలుగు సినిమాల్లోనూ నటిస్తుంది. ప్రస్తుతం ఈ భామ చేతిలో రెండు సినిమాలు ఉన్నాయని తెలుస్తుంది. ఇప్పుడు ఈ ఇద్దరు ముద్దగుమ్మలు కలిసి నటిస్తున్న శాకిని- డాకిని కూడా ప్రేక్షకులను తప్పకుండా ఆకట్టుకుంటుందని చిత్రయూనిట్ ధీమా వ్యక్తం చేస్తున్నారు .
మరిన్ని ఇక్కడ చదవండి :
RRR Movie: కొమరం భీం ఓ పులితో పోరాటం.. మరోవైపు పులి బ్రిటిష్ వారిపై దాడి.. స్టోరీ ఇదే అంటూ వైరల్
Anasuya Dwali 2021: దీపావళి వెలుగుల్లో అందాల యాంకరమ్మ అనుసూయ.. ఇలా ఎప్పుడైనా చూశారా… (ఫోటొస్)
EMK: స్టార్ మ్యూజిక్ డైరెక్టర్స్తో ఎన్టీఆర్ సందడి మాములుగా లేదుగా.. దీపావళీ స్పెషల్ ఎవరు మీలో కోటీశ్వరులు.. (ఫొటోస్)
