Ravi Mohan: భార్యతో మనస్పర్థలు.. మళ్లీ ఆ సింగర్ తో కలిసి కనిపించిన స్టార్ హీరో.. ఆ రూమర్లు నిజమేనా?
ప్రముఖ కోలీవుడ్ నటుడు రవి మోహన్ ( గతంలో జయం రవి) తన భార్యతో విడిపోయాడు. అధికారికంగా విడాకులు తీసుకోకపోయినా మనస్పర్థలతో ఎవరి జీవితం వారు గడిపేస్తున్నారు. అయితే ఈ దంపతుల మధ్య గొడవలు రావడానికి ఒక ప్రముఖ సింగర్ కారణమని ప్రచారం జరిగింది.
Updated on: May 09, 2025 | 1:33 PM
కోలీవుడ్ స్టార్ హీరో రవి మోహన్ ఈ మధ్యన సినిమాలతో పాటు తన వ్యక్తిగత విషయాలతోనూ వార్తల్లో నిలుస్తున్నాడు. ముఖ్యంగా తన కాపురం విషయంలో. 15 ఏళ్లుగా కలిసి కాపురం చేసిన భార్య ఆర్తితో విడాకులు కావాలంటున్నాడీ స్టార్ హీరో. వీరికి ఇద్దరు పిల్లలు కూడా ఉంటున్నాడు. కాగా రవి మోహన్, ఆర్తి విడిపోవడానికి ప్రముఖ సింగర్ కెనిషా ఫ్రాన్సిసే కారణమని ప్రచారం జరిగింది.అయితే, అందులో ఎలాంటి నిజం లేదని తాము కేవలం స్నేహితులం మాత్రమే అంటూ ఇద్దరూ చెప్పుకొచ్చారు. అయితే తాజాగా వీరిద్దరూ ఒక పెళ్లి వేడుకలో జంటగా కనిపించి అందరికీ షాక్ ఇచ్చారు. ఇందుకు సంబంధించిన ఫొటోలు, వీడియోలు ఇప్పుడు నెట్టింట వైరలవుతన్నాయి. వీటిని చూసిన నెటిజన్లు గతంలో వీరి గురించి వచ్చిన వదంతులన్నీ నిజమే కావచ్చని అభిప్రాయపడుతున్నారు.
వేల్స్ విశ్వవిద్యాలయం ఛైర్మన్ ఇషారి కె. గణేష్ కుమార్తె పెళ్లి చెన్నైలో జరిగింది. ఈ వేడుకకు కోలీవుడ్ సినీ ప్రముఖులు పెద్ద ఎత్తున తరలి వచ్చారు. సూపర్ స్టార్ రజనీకాంత్, రాధిక, కమల్ హాసన్, మణిరత్నం, సుహాసిని, సత్యరాజ్ తదితర ప్రముఖులు హాజరయ్యారు. అయితే రవి మోహన్ మాత్రం సింగర్ కెనిషా ఫ్రాన్సిస్ తో కలిసి ఈ పెళ్లి వేడుకకు హాజరయ్యాడు. ఈ వేడుకలో ఇద్దరూ కలివిడిగా ఉండడమే కాకుండా కలిసి ఫొటోలు దిగారు. గతంలో తమ మధ్య ఏమీ లేదని చెప్పిన వారిద్దరూ ఇప్పుడు జంటగా పెళ్లిలో కనిపించడంతో అభిమానులు కూడా షాక్ అవుతున్నారు.
వీడియో ఇదిగో..
Actor Ravi Mohan at the #VelsWedding.#IshariGanesh
— Rajasekar (@sekartweets) May 9, 2025
కాగా ప్రముఖ ఎడిటర్ మోహన్ తనయుడే రవి మోహన్. చిరంజీవతో గాడ్ ఫాదర్ సినిమాను తీసిన దర్శకుడు మోహన్ రాజా ఆయన సోదరుడు. ఇక రవి మోహన్ బావ బావమరిది, పల్నాటి పౌరుషం తదితర చిత్రాల్లో బాల నటుడిగా నటించాడు. ఆ తర్వాత హీరోగానూ ఎంట్రీ ఇచ్చి సక్సెస్ అయ్యాడు. ఇక రవిమోహన్ ప్రముఖ నిర్మాత త సుజాత విజయకుమార్ కూతురు ఆర్తిని 2009లో వివాహం పెళ్లి చేసుకున్నాడు. వీరికి ఆరవ్, అయాన్ అని ఇద్దరు కుమారులు ఉన్నారు. అయితే 15 ఏళ్లపాటు కలిసి కాపురం చేసిన ఈ జంట.. గత ఏడాదిలో విడాకులు తీసుకుంటున్నట్లు ప్రకటించి అందరికి షాకిచ్చారు.
ఫొటోస్ ఇదిగో..
Directors Mani Ratnam, Vetrimaran, Ravi Mohan and Prabhu families graced the wedding of Ishari Ganesh’s daughter pic.twitter.com/t082chnmns
— Muthirai (@MuthiraiTv) May 9, 2025
మరిన్ని సినిమా వార్తల కోసం ఇక్కడ క్లిక్ చేయండి.
