Jai Hanuman: జై హనుమాన్‌లో రిషబ్ శెట్టితో పాటు ఆ హీరో కూడా.. ఏ పాత్రలో అంటే

హనుమాన్ సినిమా 400 కోట్ల వరకు వసూల్ చేసింది ఈ సినిమా.. ఇక ఈసినిమాకు సీక్వెల్ గా ఇప్పుడు ప్రశాంత్ వర్మ యూనివర్సల్ నుంచి జై హనుమాన్ అనే సినిమా వస్తుంది. ఈ సినిమాలో హనుమంతుడిగా ఎవరు కనిపిస్తారు అని అందరూ ఎదురుచూశారు.

Jai Hanuman

Rajeev Rayala |
Updated on: Nov 05, 2024 | 8:53 AM

ప్రశాంత్ వర్మ పేరు ఈ మధ్య తెగ వినిపిస్తుంది. హనుమాన్ సినిమాతో ఓవర్ నైట్ లో స్టార్ గా మారిపోయాడు ప్రశాంత్ వర్మ. తేజ సజ్జ హీరోగా ప్రశాంత్ వర్మ దర్శకత్వంలో వచ్చిన హనుమాన్ సినిమా భారీ విజయాన్ని అందుకుంది. ఈ సినిమా ఎలాంటి అంచనాలు లేకుండా వచ్చి సంచలన విజయం సాధించడమే కాదు.. కలెక్షన్స్ పరంగానూ ఈ సినిమా దుమ్మురేపింది. హనుమాన్ సినిమా 400 కోట్ల వరకు వసూల్ చేసింది ఈ సినిమా.. ఇక ఈసినిమాకు సీక్వెల్ గా ఇప్పుడు ప్రశాంత్ వర్మ యూనివర్సల్ నుంచి జై హనుమాన్ అనే సినిమా వస్తుంది. ఈ సినిమాలో హనుమంతుడిగా ఎవరు కనిపిస్తారు అని అందరూ ఎదురుచూశారు. ఎట్టకేలకు హనుమంతుడిగా నటించే నటుడిని అనౌన్స్ చేశాడు ప్రశాంత్ వర్మ.

ఇది కూడా చదవండి : సూపరో సూపర్..! గుర్తుపట్టలేనంతగా మారిపోయిన నాగార్జున హీరోయిన్

జై హనుమాన్ సినిమాలో హనుమంతుడిగా కన్నడ హీరో రిషబ్ శెట్టి నటిస్తున్నాడు. ఇటీవలే రిషబ్ శెట్టి లుక్ ను రిలీజ్ చేశారు. హనుమంతుడి పాత్రలో రిషబ్ అద్భుతంగా కనిపిస్తున్నాడు. కాంతార సినిమాతో రిషబ్ శెట్టి క్రేజ్ తెచ్చుకున్న విషయం తెలిసిందే. కన్నడలో తెరకెక్కిన కాంతార సినిమా సూపర్ హిట్ గా నిలిచింది. తెలుగులోనూ ఈ సినిమా మంచి విజయాన్ని నమోదు చేసుకోవడంతో పాటు ఆయన ఫ్యాన్స్ కూడా పెరిగిపోయారు.

ఇది కూడా చదవండి : Tollywood : అమ్మబాబోయ్..! రచ్చ రచ్చ చేస్తుందిగా..!! ఏజెంట్‌ సాయి శ్రీనివాస ఆత్రేయ హీరోయిన్ గుర్తుందా..?

ఇక ఇప్పుడు రిషబ్ హనుమంతుడిగా ఆకట్టుకోవడానికి రెడీ అవుతున్నాడు. ఇదిలా ఉంటే జై హనుమాన్ సినిమాలో రిషబ్ తో పాటు మరో హీరో కూడా నటిస్తున్నాడని తెలుస్తోంది. ఆయన ఎవరో కాదు రానా దగ్గుబాటి. జై హనుమాన్ సినిమాలో రానా కూడా నటిస్తున్నాడని తెలుస్తోంది. అయితే రానా ఏ పాత్రలో నటిసున్నాడు అనేది తెలియాల్సి ఉంది. రిషబ్‌ శెట్టి, రానా దగ్గుబాటి, ప్రశాంత్‌ ఉన్న ఫోటో సోషల్ మీడియాలో వైరల్ అవుతుంది. దీనిని ప్రశాంత్ వర్మ షేర్ చేశారు. దీనికి యూనివర్స్‌‌ ఇన్‌స్టా హ్యాండిల్స్‌ను ట్యాగ్ చేశారు. దాంతో రానా జై హనుమాన్ సినిమాలో ఉన్నాడని కన్ఫర్మ్ అయ్యింది. అయితే అతను ఏ పాత్రలో నటిస్తున్నారు అన్నది తెలియాల్సి ఉంది.