RRR Movie : జక్కన్నా మజాకా.. అదిరిపోయే ఆ సాంగ్ కోసం ఉక్రెయిన్కు పయనమైన ఆర్ఆర్ఆర్ టీమ్
తెలుగు ప్రేక్షకులతోపాటు యావత్ సినీలావర్స్ ఆసక్తిగా ఎదురుచూస్తున్న సినిమా ఆర్ఆర్ఆర్. దర్శక ధీరుడు రాజమౌళి ఎంతో ప్రతిష్ఠత్మకంగా..
RRR Movie : తెలుగు ప్రేక్షకులతో పాటు యావత్ సినీలావర్స్ ఆసక్తిగా ఎదురుచూస్తున్న సినిమా ఆర్ఆర్ఆర్. దర్శకధీరుడు రాజమౌళి ఎంతో ప్రతిష్ఠత్మకంగా తెరకెక్కిస్తోన్న ఈ సినిమా నుంచి ఏదైనా ఆప్డేట్ విడుదల చేస్తారా అని ప్రేక్షకులంతా ఆతృతగా ఎదురుచూస్తున్నారు. మెగాపవర్ స్టార్ రామ్ చరణ్-యంగ్ టైగర్ ఎన్టీఆర్ కలిసి నటిస్తోన్న సినిమా కావడంతో ఈ సినిమా అంచనాలు మరింత పెరిగాయి. చరిత్రలో ఎప్పుడు కలవని ఇద్దరు వీరులను కలిపి సినిమాగా మలిచి మనముందు తీసుకువస్తున్నారు రాజమౌళి. ఇక ఈ సినిమాలో చరణ్ అల్లూరి సీతారామరాజుగా నటిస్తుండగా.. తారక్ కొమురం భీంగా కనిపించనున్నారు. ఇప్పటికే ఈ సినిమా షూటింగ్ చివరి దర్శకు వచ్చేసింది. తాజా సమాచారం ప్రకారం ఒక్క పాట మినహా సినిమా అంతా పూర్తయ్యిందని తెలుస్తోంది. ఇప్పుడు ఈ పాటకోసం ఆర్ఆర్ఆర్ టీమ్ దేశం దాటి వెళ్లనుందని తెలుస్తోంది.
ఈ పాటని రాజమౌళి ఉక్రెయిన్‌‌‌‌లో సెట్ చేసినట్లు తెలుస్తోంది. ఈ నెల 30న చిత్రయూనిట్ ఈ సాంగ్ షూటింగ్ కోసం ఉక్రెయిన్కు పయనమవ్వనున్నారట. ఆగస్ట్ రెండో వారం వరుకు అక్కడే షూటింగ్ జరుపుతారని సమాచారం. అంతే కాదు ఈ సాంగ్ కోసం భారీగా ఖర్చుపెడుతున్నారట. ఈ పాట సినిమాకు మరో హైలైట్‌‌‌గా నిలుస్తోందని అంటున్నారు చిత్రయూనిట్. ఈ సాంగ్ కోసం కీరవాణి అద్భుతమైన సంగీతాన్ని అందించారట. ఇదిలా ఉంటే ఈ సినిమా నుంచి త్వరలో ప్రమోషనల్ సాంగ్‌‌‌‌ను విడుదల చేయనున్నారు. ఇందుకోసం జక్కన భారీ ప్లానే వేశారు. ఇక ‘ఆర్ఆర్ఆర్’ చిత్రాన్ని ప్రపంచ వ్యాప్తంగా అక్టోబర్ 13న విడుదల చేయడానికి సన్నాహాలు చేస్తున్నారు.
మరిన్ని ఇక్కడ చదవండి :