Pullela Gopichand: సుధీర్ బాబు నా పాత్రలో నటించడానికి బెస్ట్ ఆప్షన్.. మేమిద్దరం మంచి స్నేహితులమన్న గోపీచంద్..

Pullela Gopichand: ప్రముఖ మాజీ భారత బ్యాడ్మింటన్ క్రీడాకారుడు.. పుల్లెల గోపీచంద్ .. క్రీడపుస్తకంలో క్రీడాకారుడిగా, గురువుగా తనకంటూ ఓ పేజీని లిఖించుకున్నారు.  ఈ అర్జునుడు.. ప్రస్తుతం ద్రోణాచార్యుడిగా మారి.. గోపీచంద్ బ్యాడ్మింటన్ అకాడమీలో అనేక మంది శిష్యులను తయారు చేస్తున్నాడు. భారత క్రీడా యవనిక పై గురువుని మించిన శిష్యులుగా పివి సింధు, సైనా నెహ్వాల వంటి వారు బ్యాడ్మింటన్ రంగమూ తమ ప్రతిభను చాటుతున్నారు. అయితే తాజాగా పుల్లెల గోపీచంద్ జీవితం బయో పిక్ గా వెండి తెరపై ఆవిష్కరించడానికి రంగం సిద్ధమవుతోంది. ఇదే విషయంపై పుల్లెల గోపీ చంద్ స్పందించారు.  వరాల్లోకి వెళ్తే..

టాలీవుడ్ యంగ్ హీరో సుధీర్ బాబు తనకు  క్లోజ్ ఫ్రెండ్ అని పుల్లెల గోపీచంద్ చెప్పారు. అంతేకాదు తన బయోపిక్ లో సుధీర్ బాబు నటిస్తున్నట్లు ప్రకటించారు. ఒక వ్యక్తిగా తన గురించి సుధీర్ కు ఎక్కువ తెలుసు కనుక సుధీర్ తన బయోపిక్ లో నటించడం తనకు చాలా సంతోషముగా ఉందని అన్నారు గోపీచంద్. సుధీర్ మంచి నటుడు.. ఇక నా జీవిత జర్నీలో సుధీర్ పాత్ర కూడా ఉంది.. కనుక గోపీచంద్ గా సుధీర్ నూటికి నూరు శాతం న్యాయం చేస్తాడని అన్నారు. తాను మొదట బ్యాడ్మింటన్ బ్యాట్ పట్టుకున్నప్పుడు.. హమీద్ సర్ అనే మంచి టీచర్ ఉండేవారు. విద్యార్థిగా ఉన్నప్పుడు బ్యాడ్మింటన్‌ గేమ్‌ బాగా ఆడాను..పాయింట్లు.. సాధించినప్పుడు సర్ నన్ను ముద్దుపెట్టుకున్నారు.. అది ఒక విద్యార్థి ఉపాధ్యాయుడి నుండి పొందగలిగే ఉత్తమ బహుమతిని అంటూ తన చిన్నతనంలో రోజులను గుర్తు చేస్తున్నారు. ఆంటీకాదు.. తన గురువు హమీద్ వల్లనే తాను బెస్ట్ ప్లేయర్ అయినట్లు చెప్పారు. బ్యాడ్మింటన్‌ను ప్రేమించడానికి కారణం హమీద్ సార్ అని .. తాను ఈరోజు ఛాంపియన్‌గా ఉన్నాను అంటే ఖచ్చితంగా హమీద్ సార్ వల్లనే అంటూ తన చిన్నతనంలో రోజుల ఆసక్తిగా తెలిపారు గోపీచంద్. నటుడు సుధీర్ మంచి బ్యాడ్మింటన్ క్రీడాకారుడన్న సంగతి తెలిసిందే.

Also Read: ఈరోజు ఈరాశి స్త్రీలకు ధన లాభం ఉంది.. నేడు మీ రాశిఫలాలు ఎలాఉన్నాయంటే..