ఆ హీరోయిన్‌తో గొడవ జరిగింది..పెద్ద సినిమాను మధ్యలోనే ఆపేశా.. షాకింగ్ విషయం చెప్పిన ఎంఎస్ రాజు

తెలుగు సినీ నిర్మాత ఎంఎస్ రాజు తన సినీ ప్రస్థానం, స్టార్ హీరోలతో సంబంధాలు, గత వివాదాలపై సంచలన విషయాలు వెల్లడించారు. ముఖ్యంగా ఒక స్టార్ హీరోయిన్‌తో గొడవ, ఆత్మగౌరవం కారణంగా సినిమాను నిలిపివేసిన సంఘటనపై స్పష్టతనిచ్చారు. అలాగే ఓ హీరోయిన్ తో జరిగిన గొడవ గురించి కూడా మాట్లాడారు.

Ms Raju

Rajeev Rayala |
Updated on: Sep 05, 2026 | 11:04 PM

తెలుగు సినీ పరిశ్రమలో ఒక్కడు, వర్షం వంటి ఎన్నో విజయవంతమైన చిత్రాలను అందించిన ప్రముఖ నిర్మాత ఎంఎస్ రాజు, ఇటీవల ఓ ఇంటర్వ్యూలో తన సినీ ప్రస్థానం, ఇండస్ట్రీలో తన అనుభవాలపై పలు కీలక విషయాలను వెల్లడించారు. యాంకర్ రోషన్ అడిగిన ప్రశ్నలకు బదులిస్తూ, తాను ఏ నటుడికి లేదా దర్శకుడికి చెడు చేయలేదని, తన వల్ల అందరికీ మంచి జరిగిందని ఎంఎస్ రాజు స్పష్టం చేశారు. తాను ఎవరి ఇంట్లో దొంగతనం చేయలేదని, ఎవరికీ అన్యాయం చేయలేదని పేర్కొన్నారు. పరిశ్రమలో తన పట్ల కొందరు కృతజ్ఞతగా లేరనే వాదనలను ఆయన ఖండించారు. తనను ఎవరూ ఏమీ అనలేదని, తనపై ఎవరూ చెడుగా మాట్లాడలేదని తెలిపారు. స్టార్ హీరోలను డేట్స్ అడగడానికి తన దగ్గర మంచి కథ, దర్శకుడు, పెట్టుబడి ఉండాలని, ప్రస్తుతానికి తాను ఆ స్థాయికి రాలేదని సున్నితంగా బదులిచ్చారు. అయితే, పెద్ద సినిమాలు చేసే ఆసక్తి ప్రస్తుతానికి లేదని, మంచి కాన్సెప్ట్‌లతో చిన్న సినిమాలు చేయాలనే ఆలోచనలో ఉన్నానని ఆయన వెల్లడించారు. చిన్న సినిమాలు పెద్ద విజయాలు సాధించే అవకాశాలు ఉంటాయని ఆయన ఆశాభావం వ్యక్తం చేశారు.

Jabardasth Komaram: జబర్దస్త్‌లో నాకు లైఫ్ ఇచ్చి, అన్నం పెట్టింది ఆయనే.. ఆ అన్న వల్లే ఇప్పుడు ఇదంతా

అలాగే, ఒక స్టార్ హీరోయిన్‌తో ఎంఎస్ రాజుకు భయంకరమైన గొడవ జరిగిందని, ఆ వివాదం తారా స్థాయికి చేరిందని, నువ్వు తగ్గలేదు నేను తగ్గలేదు అన్నంత స్థాయిలో జరిగిందని యాంకర్ ప్రశ్నించారు. ఈ విషయంపై ఎంఎస్ రాజు నేరుగా ఆ హీరోయిన్ పేరు చెప్పకపోయినా, తన ఆత్మగౌరవానికి భంగం వాటిల్లినప్పుడు తాను రాజీపడనని స్పష్టం చేశారు. ఒక పెద్ద సినిమాను మధ్యలో ఆపేశానని, పోతే పోయింది అనుకుని ముందుకు సాగాలని నిర్ణయించుకున్నానని వివరించారు. తన నిబంధనలు, షరతులు అంగీకరించిన తర్వాతే ఆ సినిమాను తిరిగి ప్రారంభించినట్లు తెలిపారు. తన ఆత్మగౌరవం కోసమే ఆ నిర్ణయం తీసుకున్నానని, ఇది అహంకారం కాదని, వ్యక్తిత్వం అని ఎంఎస్ రాజు పేర్కొన్నారు. అలాగే, తాను అనుకున్నట్టు జరగని మరో సినిమాను అసలు ప్రారంభించలేదని, అది తర్వాత వేరే వాళ్ళు తీసి ఫ్లాప్ అయిందని కూడా ఆయన వెల్లడించారు.

మంచి ఛాన్స్ మిస్ అయ్యాయంది.. ఆ సినిమా చేయలేకపోయా అని చాలా ఫీల్ అయ్యా..

ఇండస్ట్రీలో తాను కుంగిపోయినప్పుడు అందరూ తనకు అండగా నిలబడ్డారని, తన మిత్రులు, తోటి నిర్మాతలు కూడా తాను మళ్ళీ పైకి రావాలని కోరుకుంటారని ఎంఎస్ రాజు చెప్పారు. తాను ఎప్పుడూ అందరికీ మంచి చేస్తానని, ఎవరైనా కష్టాల్లో ఉంటే వారికి అండగా ఉంటానని, ఇచ్చిన మాట నిలబెట్టుకోవడానికి ప్రయత్నిస్తానని ఆయన అన్నారు. కొన్ని విషయాలు అనవసరంగా వివాదాస్పదం చేయడం సరికాదని, తాను అందరినీ ప్రేమిస్తానని, ఇష్టపడతానని ఎంఎస్ రాజు ఈ ఇంటర్వ్యూలో పేర్కొన్నారు.

ఇవి కూడా చదవండి