Tollywood : ప్రభాస్ సినిమాతో బ్రేక్.. ఆ సినిమాలో సీన్ చేయన్న హీరోయిన్.. ఎందుకంటే..

ప్రముఖ చిత్రనిర్మాత ఎం.ఎస్. రాజు తన కెరీర్‌లో త్రిష కృష్ణన్, దివంగత శ్రీహరి, దివంగత సిరివెన్నెల సీతారామశాస్త్రి వంటి సినీ ప్రముఖులతో తనకున్న అనుబంధం గురించి ఇటీవల వెల్లడించారు. తెలుగు సినీ పరిశ్రమలో ఎన్నో సూపర్ హిట్ చిత్రాలను నిర్మించి సక్సెస్ అయ్యారు ఎంఎస్ రాజు. తెలుగులో స్టార్ హీరోలతో అనేక హిట్ చిత్రాలను నిర్మించారు. అయితే ఓ ఇంటర్వ్యూలో ఆసక్తికర విషయాలు, స్టార్ హీరోహీరోయిన్ల గురించి పంచుకున్నారు.

Prabhas

Rajitha Chanti |
Updated on: Jul 07, 2026 | 6:56 PM

ప్రముఖ సినీ నిర్మాత ఎం.ఎస్. రాజు ఇటీవల ఒక ఇంటర్వ్యూలో తన కెరీర్‌లో అత్యంత విజయవంతమైన చిత్రాలైన వర్షం, నువ్వొస్తానంటే నేనొద్దంటానా చిత్రాల గురించి ముఖ్యమైన అనుభవాలను పంచుకున్నారు. ముఖ్యంగా నటి త్రిష కృష్ణన్, దివంగత నటుడు శ్రీహరి, దివంగత గేయ రచయిత సిరివెన్నెల సీతారామశాస్త్రితో తనకున్న ప్రత్యేకమైన బంధాన్ని ఆయన వివరించారు. వర్షం చిత్రానికి త్రిషను ఎంపిక చేసిన తీరును ఎం.ఎస్. రాజు గుర్తుచేసుకున్నారు. తొలుత వేరే చిత్రానికి ప్రయత్నించినప్పటికీ, ఆమె ముఖం సరిపోలేదని రిజెక్ట్ చేశారని తెలిపారు. ఆ సమయంలో మహేష్ బాబు వద్ద చూసిన త్రిష ఫోటోలను బట్టి రాజు ఆమెను వర్షం చిత్రానికి ఎంపిక చేయాలనుకున్నారు. దర్శకుడు మొదట త్రిష పాత్రకు సరిపోదని భావించినా, రాజు పట్టుబట్టి ఆమెను కలిశారు. తొలి చూపులోనే త్రిషను చూసిన రాజు, ఆమెకు కొద్దిగా పొట్ట ఉందని చెప్పి వ్యాయామం చేయమని సూచించగానే, తన సినిమాలో ఆమెకు చోటు లభించిందని త్రిషకు అర్థమైపోయింది. అక్కడి నుంచి త్రిష తన పట్ల చూపిన అంకితభావం అసాధారణమని రాజు పేర్కొన్నారు.

ఎక్కువ మంది చదివినవి : Athadu Movie : అతడు సినిమా హిట్ అవ్వడానికి కారణం ఆయనే.. నాజర్ కామెంట్స్..

వర్షం చిత్రంలోని కీలకమైన వర్షపు సన్నివేశాలను 75 రోజుల పాటు చిత్రీకరించారని, ఈ మొత్తం వ్యవధిలో త్రిష ఎంతో సహకరించారని తెలిపారు. ఒక్కసారి కూడా ఆమె అలసట చెందలేదని, తనకు చాలా కష్టంగా అనిపించిన సన్నివేశాలను కూడా “నేను చేస్తాను” అని పట్టుదలతో పూర్తి చేశారని ప్రశంసించారు. నువ్వొస్తానంటే నేనొద్దంటానా చిత్రానికి త్రిషను ఎంపిక చేయాలని ముందు అనుకోలేదని, వేరే హీరోయిన్ కోసం వెతుకుతున్న సమయంలో త్రిష స్వయంగా తన దగ్గరికి వచ్చి స్క్రిప్ట్ తీసుకొని “ఎప్పుడు కావాలంటే అప్పుడు చెప్పండి, నేను వస్తాను” అని చెప్పారని వెల్లడించారు. ఇది ఏ హీరో లేదా హీరోయిన్ తనకు అడిగిన తొలి అనుభవమని రాజు పేర్కొన్నారు. రాత్రి 3 గంటలకు ఫోన్ చేసి ఎవరితో మాట్లాడటానికి సౌకర్యంగా ఉంటుంది అని ఒక ఆంగ్ల పత్రిక అడిగినప్పుడు, త్రిష తన పేరు చెప్పడం తనకు లభించిన గొప్ప గౌరవంగా రాజు భావిస్తారు.

ఎక్కువ మంది చదివినవి : Aamir Khan: 61 ఏళ్ల వయసులో మూడో పెళ్లి.. ఆమీర్ ఖాన్ తన మొదటి ఇద్దరు భార్యలకు ఎందుకు విడాకులు ఇచ్చారో తెలుసా.. ?

ఆట చిత్రంలో ఇలియానాని ఎంపిక చేసినప్పుడు త్రిష అలిగి, షూటింగ్‌కి వచ్చేస్తానని ఫోన్‌లు చేశారని, అప్పటికే చిత్రీకరణ ప్రారంభమైనందున సాధ్యం కాలేదని రాజు వివరించారు. తన సినిమాల పట్ల త్రిషకు అంతటి అభిమానం ఉండేదని తెలిపారు. నువ్వొస్తానంటే నేనొద్దంటానా చిత్రంలో శ్రీహరి అన్న పాత్రకు ఆయనను ఎంపిక చేసిన వైనాన్ని కూడా రాజు పంచుకున్నారు. అప్పట్లో శ్రీహరికి హీరోగా సినిమాలు సరిగ్గా ఆడటం లేదని, అన్న పాత్రను చేయడానికి ఆయన మొదట ఒప్పుకోలేదని రాజు తెలిపారు. అయితే, కథ విన్నాక శ్రీహరి కళ్లలో నీళ్లు నిండాయని, డబ్బు గురించి మాట్లాడకుండా సినిమా చేయడానికి అంగీకరించారని చెప్పారు. అంతేకాదు, ఆ పాత్రకు తగ్గ దుస్తులు, పంచి కట్టు, కేశాలంకరణ, బొట్టు వంటివి ఆయనే స్వయంగా డిజైన్ చేసుకుని, తన సొంత డబ్బులతో తయారు చేయించుకున్నారని, ఇది శ్రీహరి అంకితభావానికి నిదర్శనమని ఎం.ఎస్. రాజు అన్నారు. శ్రీహరి ఆ సినిమాకు ఒక భావోద్వేగమని, ఆ పాత్ర ఆయనలో జీవించిందని రాజు తెలిపారు.

ఎక్కువ మంది చదివినవి : Murali Mohan: అన్నయ్య నాకోసం ఫ్యాన్స్ వస్తారా అని అడిగాడు.. ఇప్పుడు ఇండస్ట్రీకే మొగుడయ్యాడు.. మురళి మోహన్..