Savithri w/o Sathyamurthi : సావిత్రి w/o సత్యమూర్తి టీజర్ రివ్వ్యూ.. నవ్వులే నవ్వులు ఇక..

ఇరవై ఏళ్ల కుర్రాడికి అరవై ఏళ్ల భార్య ఉంటే ఎలా ఉంటుంది ? అనే ఆసక్తికర కథాంశంతో తెరకెక్కుతున్న సినిమా సావిత్రి w/o సత్యమూర్తి. నూతన దర్శకుడు చైతన్య కొండ రూపొందిస్తున్న ఈ సినిమాలో కేరింత ఫేమ్ పార్వతీశం, సీనియర్ నటి శ్రీలక్ష్మీ లీడ్ రోల్స్ పోషిస్తున్నారు. ఇటీవల కాలంలో పెద్ద సినిమాల కంటే చిన్న సినిమాలను ప్రేక్షకులు ఆదరిస్తున్నాయి. సరికొత్త కాన్సెప్ట్‏తో ప్రేక్షకుల ముందుకు వస్తున్న చిన్న సినిమాలు సూపర్ హిట్ అందుకుంటున్నాయి.  రెగ్యులర్ ఫార్మాట్‏కు భిన్నంగా రూపొందిస్తున్న ఈ సినిమాలో వారెడ్డి, సుమన్ శెట్టి, గౌతంరాజు, అనంత్, జెన్ని, సుబ్బరాయశర్మ, కోట శంకరావు, పద్మజయంతి కీలక పాత్రలలో నటిస్తున్నారు. ఈ చిత్రాన్ని ఏ1 క్రియేషన్స్ బ్యానర్ పై నరేంద్ర నిర్మిస్తుండగా.. ఇందులో లక్ష్మి, పార్వతీశం భార్యభర్తలుగా కనిపించనున్నారు. అయితే ఇప్పటికే విడుదలైన ఈ మూవీ ఫస్ట్‏లుక్ పోస్టర్‏తో ఈ మూవీ ఆసక్తిని కలిగించారు. తాజాగా ఈ సినిమా నుంచి టీజర్ విడుదల చేసింది చిత్రయూనిట్.

బ్రేకింగ్ న్యూస్.. ఇప్పుడిప్పుడే వెలుగులోకి వచ్చిన సత్య.. అనే డైలాగ్‏తో ప్రారంభమైన ఈ టీజర్ మొదటి నుంచి చివరకు ప్రేక్షకులకు వినోదాన్ని పంచాయి. 1980లో వీళ్లు పెళ్లి చేసుకున్నట్లు తెలుపుతూ.. వయసు మీదపడ్డా కూడా ఆ వయసు కనిపించకుండా ఉండేందుకు సత్యమూర్తి (పార్వతీశం) ఏం చేశాడు? అనే దానిపై ఆసక్తి రేపుతుంది ఈ వీడియో. మొత్తానికి ప్రేక్షకలను పొట్టచెక్కలయ్యేలా హాస్యాన్ని పంచేందుకు త్వరలోనే థియేటర్లలోకి రాబోతున్నారు సావిత్రి w/o సత్యమూర్తి. ఈ చిత్రానికి సత్య కశ్యప్ సంగీతం అందిస్తున్నారు.

వీడియో..

Also Read: Ram Gopal Varma: అషురెడ్డి దగ్గర అగ్లీ క్రియేటివిటీ ప్రదర్శించిన ఆర్జీవి.. మండిపడుతున్న నెటిజన్స్..

Anjali: అంజలికి లక్కీ ఛాన్స్.. పాన్ ఇండియా ప్రాజెక్ట్‏లో తెలుగమ్మాయి.. ఏ సినిమా అంటే..

BoycottSwaraBhasker:  ఆ నటిని అరెస్ట్ చేయాలి.. ట్విట్టర్‏లో ట్రెండ్ అవుతున్న బైకాట్ స్వర భాస్కర్.. కారణమేటంటే..

Vishal: లైకా సంస్థకు భారీగా జరిమానా విధించిన హైకోర్టు.. ఆసక్తికర ట్వీట్ చేసిన హీరో విశాల్..