Anjali: అంజలికి లక్కీ ఛాన్స్.. పాన్ ఇండియా ప్రాజెక్ట్‏లో తెలుగమ్మాయి.. ఏ సినిమా అంటే..

సినీ పరిశ్రమలో తెలుగు అమ్మాయి హీరోయిన్‏గా గుర్తింపు తెచ్చుకున్నవారు చాలా అరుదు. అందం, అభినయంతో ప్రేక్షకులను

Anjali

Rajitha Chanti |

Updated on: Aug 19, 2021 | 9:00 AM

సినీ పరిశ్రమలో తెలుగు అమ్మాయి హీరోయిన్‏గా గుర్తింపు తెచ్చుకున్నవారు చాలా అరుదు. అందం, అభినయంతో ప్రేక్షకులను ఆకట్టుకుంటూ చిత్రపరిశ్రమలో తనకంటూ ప్రత్యేక స్థానాన్ని ఏర్పర్చుకున్న క్రేజీ హీరోయిన్ అంజలి. తమిళ, తెలుగు భాషలలో ఎన్నో సినిమాలలో నటించిన అంజలి.. వెంకటేష్, బాలకృష్ణ వంటి స్టార్ హీరోల సరసన నటించి మెప్పించింది. ఇటీవల పవన్ కళ్యాణ్ ప్రధాన పాత్రలో నటించిన వకీల్ సాబ్ సినిమాలో అంజలి నటనకు ప్రశంసలు దక్కాయి. తాజాగా ఈ అమ్మడు బంపర్ ఆఫర్ అందుకుంది.

మెగా పవర్ స్టార్ రామ్ చరణ్ ప్రధాన పాత్రలో పాన్ ఇండియా డైరెక్టర్ శంకర్ ఓ సినిమా తెరకెక్కిస్తున్న సంగతి తెలిసిందే. ఈ సినిమాను దిల్ రాజు నిర్మాణంలో శ్రీ వెంకటేశ్వర క్రియేషన్స్ బ్యానర్ పై భారీ బడ్జెట్‏తో నిర్మిస్తున్నారు. శంకర్, రామ్ చరణ్ కాంబోలో రాబోతున్న సినిమాపై అంచనాలు కూడా భారీగానే ఉన్నాయి. ప్రస్తుతం రామ్ చరణ్ ఆర్ఆర్ఆర్ మూవీ షూటింగ్‏లో పాల్గొంటున్నాడు. ఈ సినిమా తర్వాత చెర్రీ,శంకర్ కాంబో సెట్స్ పైకి వెళ్లనుంది. తాజాగా ఈ మూవీ గురించి ఇంట్రెస్టింగ్ బజ్ ఒకటి వినిపిస్తోంది. కథ ప్రకారం ఇందులో ఇద్దరు హీరోయిన్లు ఉండనున్నారట. ఇప్పటికే కియారా అద్వానీనికి ఎంపిక చేసిన సంగతి తెలిసిందే. తెలుగులో మహేష్ బాబు నటించిన భరత్ అనే నేను సినిమాతో ఎంట్రీ ఇచ్చిన ఈ ముద్దుగుమ్మ.. ఆ తర్వాత చరణ్ సరసన వినయ విధేయ రామ అనే సినిమాలో నటించింది. ఇక మరో హీరోయిన్‏గా అంజలి నటించనున్నట్లుగా టాక్ వినిపిస్తోంది. ఈ చిత్రానికి థమన్ సంగీతం అందించనున్నారు.