Zombie Reddy: టెలివిజన్ లోనూ రికార్డ్స్ క్రియేట్ చేస్తున్న జాంబీరెడ్డి… రెండోసారి కూడా అదిరిపోయే టీఆర్ఫీ తెచ్చుకున్న సినిమా..

Zombie Reddy: టాలీవుడ్ లో ఈ మధ్య కాలంలో కొత్త తరహా సినిమా కథలు వస్తున్నాయి. విభిన్న కథలను ప్రేక్షకులు ఆదరిస్తున్నారు. అలాంటి కథలే తెలుగులో సూపర్ హిట్స్ అవుతున్నాయి. సరిగ్గా అలాంటి విభిన్నమైన కథతో తెరకెక్కిన సినిమానే జాంబీరెడ్డి. ప్రశాంత్ వర్మ దర్శకత్వంలో తెరకెక్కిన ఈ సినిమా సూపర్ హిట్ టాక్ ను సొంతం చేసుకుంది. చాలా సినిమాల్లో చైల్డ్ ఆర్టిస్ట్ గా నటించిన గుర్తింపు తెచ్చుకున్న తేజ సజ్జ హీరోగా నటించిన మొదటి సినిమా ఇది. ఫిబ్రవరి ఫస్ట్ వీక్ లో ప్రేక్షకుల ముందుకు వచ్చిన ఈ సినిమా మంచి వసూళ్ళు రాబట్టింది. కమర్షియల్ సక్సెస్ అందుకున్న ఈ సినిమాతో హీరోగా తేజ సక్సెస్ ఫుల్ గా లాంచ్ అయ్యాడు. ‘అ!’ అనే డిఫరెంట్ సినిమాతో ఇండస్ట్రీలో అడుగు పెట్టాడు డైరెక్టర్ ప్రశాంత్ వర్మ. ఈ సినిమాకు నేచురల్ స్టార్ నాని నిర్మాతగా వ్యవహరించాడు. ఈ సినిమా ఇండియాలోనే ఫస్ట్ జాంబిస్ మూవీ కావడం విశేషం. ఫుల్ ఫన్ తో పాటు థ్రిల్లర్ అంశాలతో తెరకెక్కించాడు ప్రశాంత్.

ఇటీవల ఈ సినిమాను ప్రముఖ ఛానల్ లో టెలికాస్ట్ చేసారు. ‘జాంబీరెడ్డి’ వరల్డ్ టెలివిజన్ ప్రీమియర్ 9.7 టీఆర్పీ రేటింగ్ సాధించింది. చిన్న సినిమాలలో ఇది మంచి రేటింగ్ అనే చెప్పాలి. ఈ క్రమంలో రీసెంటుగా రెండోసారి ప్రసారం చేయబడిన ఈ  సినిమా అదిరిపోయే టీఆర్పీ దక్కించుకుంది. ప్రేక్షకుల నుంచి సూపర్ రెస్పాన్స్ తెచ్చుకొని రికార్డు స్థాయిలో 8.1 టీఆర్పీ రేటింగ్ అందుకుంది. సెకండ్ టైం టెలికాస్ట్ లో కూడా ఇంతటి టీఆర్పీ రాబట్టడం గొప్ప విషయమనే చెప్పాలి.

మరిన్ని ఇక్కడ చదవండి : 

Megastar Chiranjeevi: మరో రీమేక్ కు సిద్దమవుతున్న మెగాస్టార్.. ఈసారి ప్రభాస్ దర్శకుడికి ఛాన్స్ ఇవ్వనున్న చిరంజీవి..

RRR Movie: ప్ర‌పంచం మొత్తం చుట్టేయ‌నున్న తెలుగు సినిమా.. రాజ‌మౌళి కొత్త ఎత్తుగ‌డ‌.. ఏకంగా ఐదు అంత‌ర్జాతీయ‌ భాష‌ల్లో..

Rashmika Mandanna: అవకాశం వస్తే ఆ స్టార్ హీరోతో డేటింగ్ కు వెళ్లాలని ఉందన్న రష్మిక మందన..