Kalyanam Kamaneeyam: మనసు దోచేస్తున్న ‘ఓ మనసా’ సాంగ్.. నెట్టింట వైరలవుతున్న ఈ పాట మీరు విన్నారా..?

Oh Manasa Song

యువ హీరో సంతోష్ శోభన్ నటిస్తున్న కొత్త సినిమా “కళ్యాణం కమనీయం”. ఈ చిత్రంలో కోలీవుడ్ తార ప్రియ భవానీ శంకర్ నాయికగా నటిస్తోంది. ఈ సినిమాతో ఆమె టాలీవుడ్ అరంగేట్రం చేస్తోంది. ఈ చిత్రాన్ని యూవీ కాన్సెప్ట్స్ సంస్థ నిర్మిస్తోంది. పెళ్లి నేపథ్యంతో సాగే ఆహ్లాదకర కథతో నూతన దర్శకుడు అనిల్ కుమార్ ఆళ్ల రూపొందిస్తున్నారు. సంక్రాంతి ఫెస్టివల్ సందర్భంగా జనవరి 14న ఈ సినిమా ప్రేక్షకుల ముందుకు రాబోతోంది. ఈ సినిమా ప్రమోషన్లలో భాగంగా ఇప్పటికే విడుదలైన పోస్టర్స్ మూవీపై ఆసక్తిని క్రియేట్ చేయగా.. తాజాగా తాజాగా కళ్యాణం కమనీయం సినిమా నుంచి “ఓ మనసా” అనే లిరికల్ పాటను విడుదల చేశారు.

ఈ పాటకు కృష్ణకాంత్ సాహిత్యాన్ని అందించారు. శ్రావణ్ భరద్వాజ్ కంపోజ్ చేసి పాడారు. ఓ యువ జంట పెళ్లి సంబంధం కుదిరినప్పటి నుంచి పెళ్లయ్యే దాకా సాగే సందర్భాలన్నీ ఈ పాటలో అందంగా చూపించారు. “నా కథలో మలుపే తిరిగే, నీ మహిమే జరిగే.. నా కనులా నిదురే తరిగే…నీ కలలే పెరిగే “..అంటూ బ్యూటిఫుల్ లిరిక్స్ తో సాగుతుందీ పాట.

ఇటీవలే రిలీజైన ఈ చిత్ర టైటిల్ మోషన్ పోస్టర్, ఫస్ట్ లుక్ కు మంచి స్పందన వస్తోంది. యూవీ కాన్సెప్ట్స్ నుంచి మరో కంప్లీట్ ఫ్యామిలీ ఎంటర్ టైనర్ రాబోతోంది. ప్రస్తుతం పోస్ట్ ప్రొడక్షన్ కార్యక్రమాలు తుది దశలో ఉన్న ఈ సినిమా సంక్రాంతి కానుకగా జనవరి 14న ప్రేక్షకుల ముందుకు రానుంది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.