NTR 30: కొరటాల శివ సినిమాలో యంగ్ టైగర్ ఇలా కనిపించనున్నాడట..
యంగ్ టైగర్ ఎన్టీఆర్ ప్రస్తుతం కొరటాల శివ దర్శకత్వంలో సినిమా చేస్తున్న విషయం తెలిసిందే. రీసెంట్ గా ఆర్ఆర్ఆర్ మూవీతో పాన్ ఇండియా హిట్ అందుకున్నారు.
యంగ్ టైగర్ ఎన్టీఆర్(NTR) ప్రస్తుతం కొరటాల శివ(Koratala Siva)దర్శకత్వంలో సినిమా చేస్తున్న విషయం తెలిసిందే. రీసెంట్ గా ఆర్ఆర్ఆర్ మూవీతో పాన్ ఇండియా హిట్ అందుకున్నారు. ఇక ఇప్పుడు పూర్తిగా కొరటాల శివ సినిమా పైనే దృష్టి పెట్టారు. గతంలో ఈ ఇద్దరి కాంబినేషన్ లో జనతా గ్యారేజ్ మూవీ వచ్చిన విషయం తెలిసిందే. ఈ సినిమా మంచి విజయం సాధించింది. అయితే జనతా గ్యారేజ్ లో తారక్ స్లిమ్ లుక్ లో కనిపించి ఆకట్టుకున్నారు. ఇక ఇప్పుడు తారక్ కొరటాల శివ సినిమాలో ఎలా ఉండబోతున్నారన్న చర్చ ఆసక్తికరంగా సాగుతోంది. ఈ సినిమా కంప్లీట్ యాక్షన్ ఎంటర్టైనర్ అని ఇటీవల తారక్ పుట్టిన రోజున రిలీజ్ చేసిన మోషన్ పోస్టర్ చూస్తుంటే అర్ధమవుతుంది. ఈ సినిమాలో తారక్ మరోసారి స్లిమ్ లుక్ లో కనిపించనున్నారని తెలుస్తుంది.
ఇటీవల ఆర్ఆర్ఆర్ కోసం కాస్త బరువు పెరిగిన తారక్ ఇప్పుడు కొరటాల శివ సినిమాకోసం మళ్లీ సన్నగా మారిపోయాడట. ఇక ఈ సినిమా మీసం, గడ్డం తో రఫ్ లుక్ లో కనిపించనున్నాడట తారక్. ఈ సినిమాకోసం కసరత్తులు చేస్తున్నాడు తారక్. అటు కొరటాల శివ ఈ సినిమా స్క్రిప్ట్ కు తుది మెరుగులు దిద్దుతున్నారు. ఈ సినిమా షూటింగు ఒకసారి మొదలైతే వీలైనంత ఫాస్ట్ గా కంప్లీట్ చేయాలని ప్లాన్ చేసుకుంటున్నారు. అలాగే రెగ్యులర్ షూటింగును జులై 2వ వారం నుంచి మొదలుపెట్టనున్నట్టు తెలుస్తోంది. ఈ సినిమాను సంక్రాంతి బరిలో ఉంచాలని మేకర్స్ సన్నాహాలు చేస్తున్నారు.
మరిన్ని ఇక్కడ చదవండి :