Balakrishna: బాలయ్య కూతురిగా ఆ యంగ్ హీరోయిన్ ?.. అనిల్ రావిపూడి సినిమాలో క్రేజీ బ్యూటీ..

డైరెక్టర్ అనిల్ రావిపూడి (Anil Ravipudi) ప్రస్తుతం ఎఫ్ 3 మూవీ ప్రమోషన్లలో బిజీగా ఉన్నాడు.. వెంకటేశ్, వరుణ్ తేజ్ ప్రధాన పాత్రలలో నటించిన ఈ సినిమా ఇప్పటికే అన్ని కార్యక్రమాలు పూర్తిచేసుకుని మే 27న ప్రేక్షకుల ముందుకు రానుంది. శ్రీ వెంకటేశ్వర క్రియేషన్స్ బ్యానర్ పై దిల్ రాజు సమర్పణలో శిరీష్ నిర్మించిన ఈ మూవీలో తమన్నా, మెహ్రీన్ ఫిర్జాదా హీరోయిన్లుగా నటించారు. కామెడీ ఎంటర్టైనర్ గా రాబోతున్న ఈ చిత్రం మరోసారి ప్రేక్షకులను కడుపుబ్బా నవ్వించనున్నట్లు ఇప్పటికే మేకర్స్ అనౌన్స్ చేసిన సంగతి తెలిసిందే. ఈ సినిమా తర్వాత అనిల్ రావిపూడి .. నందమూరి నటసింహం బాలకృష్ణతో ఓ సినిమా చేయనున్నాడు.

బాలయ్యతో తాను చేయబోయే సినిమా డిఫరెంట్‏గా ఉండబోతుందని.. అందులో ఆయన భిన్నమైన పాత్రలో కనిపించనున్నాడని ఇదివరకే డైరెక్టర్ అనిల్ రావిపూడి చెప్పుకొచ్చిన సంగతి తెలిసిందే. తాజాగా ఈ సినిమాకు సంబంధించిన ఓ ఇంట్రెస్టింగ్ అప్డేట్ ఫిల్మ్ సర్కిల్లో చక్కర్లు కొడుతుంది. ఈ సినిమా తండ్రీ కూతుళ్ల అనుబంధానికి సంబంధించిన కథాంశంగా రాబోతున్నట్లు టాక్ వినిపిస్తోంది. అయితే లేటేస్ట్ సమాచారం ప్రకారం ఈ సినిమా బాలయ్య కూతురిగా పెళ్లి సందD బ్యూటీ శ్రీలీలను ఎంపిక చేశారట. ఇందులో బాలయ్య కూతురిగా శ్రీలీలను తీసుకోవడంతోపాటు.. వెండితెరపై ఈ సినిమాను సరికొత్తగా చూపించబోతున్నారట డైరెక్టర్. ప్రస్తుతం శ్రీలీల.. ధమాకా సినిమాలో నటిస్తుండగా..బాలయ్య డైరెక్టర్ గోపిచంద్ మలినేని దర్శకత్వంలో నటిస్తున్నాడు.