NBK 107 Teaser: వేట మొదలెట్టిన నటసింహం.. టీజర్ అదిరిపోయిందిగా..

Nbk 107

డైరెక్టర్ గోపిచంద్ మలినేని, నందమూరి నటసింహం కాంబోలో ఓ సినిమా రాబోతున్న సంగతి తెలిసిందే. వీరి కాంబో ప్రకటించినప్పటి నుంచి ఈ సినిమా పై అంచనాలు భారీగానే ఉన్నాయి. ఈ సినిమా అప్టేట్స్ కోసం ఎదురుచూస్తున్న అభిమానులకు బాలయ్య బర్త్ డే గిఫ్ట్ ఇచ్చేశారు మేకర్స్. జూన్ 10న బాలకృష్ణ పుట్టిన రోజు సందర్భంగా (జూన్ 9న) గురువారం సాయంత్రం NBK 107 టీజర్ రిలీజ్ చేశారు మేకర్స్. తాజాగా విడుదలైన టీజర్‎లో బాలయ్య ఆహార్యం, డైలాగ్స్ మరోసారి ప్రేక్షకులను ఆకట్టుకుంటున్నాయి. పులిచర్ల నేపథ్యంలో పవర్ ఫుల్ యాక్షన్ తో ఈ సినిమా తెరకెక్కుతున్నట్లు తెలిస్తోంది. ఇందులో బాలయ్య సరికొత్త మేకోవర్ లో కనిపిస్తున్నాడు. తమన్ అందించిన బ్యాక్ గ్రౌండ్ మ్యూజిక్ మరోసారి అదిరిపోయింది. ఇందులో బాలయ్య సరసన శ్రుతిహాసన్ కథానాయికగా నటిస్తోంది.

అలాగే ఈ సినిమాలో వరలక్ష్మీ శరత్ కుమార్, దునియా విజయ్ కీలకపాత్రలలో నటిస్తున్నారు. పక్కా మాస్ యాక్షన్ నేపథ్యంలో రాబోతున్న ఈ మూవీని ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తుంది. ఈ సినిమాకు అన్నగారు, జై బాలయ్య అనే టైటిల్స్ పరిశీలిస్తున్నట్లుగా టాక్ వినిపిస్తోంది. ఈ రెండింటిలో ఒక టైటిల్ కన్ఫా్ర్మ్ చేయనున్నట్లు తెలుస్తోంది.