Nayanthara: నయన్ బర్త్ డే స్పెషల్ సర్‏ప్రైజ్.. చిరు సినిమాలో లేడీ సూపర్ స్టార్ ఫిక్స్..

మెగాస్టార్ చిరంజీవి ఇప్పుడు చేతినిండా సినిమాలతో బిజీగా ఉన్నారు. ఇప్పటికే కొరటాల శివ దర్శకత్వంలో ఆచార్య సినిమా

Nayanthara

Rajitha Chanti |
Updated on: Nov 18, 2021 | 3:02 PM

మెగాస్టార్ చిరంజీవి ఇప్పుడు చేతినిండా సినిమాలతో బిజీగా ఉన్నారు. ఇప్పటికే కొరటాల శివ దర్శకత్వంలో ఆచార్య సినిమా పూర్తిచేశారు చిరు.. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ మూవీ త్వరలోనే ప్రేక్షకుల ముందుకు రానుంది. ఇందులో కాజల్ హీరోయిన్‍గా నటిస్తుండగా.. పూజాహెగ్డే, రామ్ చరణ్ కీలక పాత్రలలో నటిస్తున్నారు. ఇప్పుడు గాడ్ ఫాదర్ సినిమా షూటింగ్‏లో పాల్గొంటున్నాడు. మలయాళ సూపర్ హిట్ మూవీ లూసీఫర్ తెలుగు రీమేక్‏గా తెరకెక్కుతున్న ఈ మూవీకి మోహన్ రాజా దర్శకత్వం వహిస్తున్నారు. పొలిటికల్ యాక్షన్ థ్రిల్లర్ నేపథ్యంలో రూపొందుతున్న ఈ సినిమా షూటింగ్ శరవేగంగా జరుగుతోంది. ఈ చిత్రాన్ని కొణిదెల సురేఖ సమర్పణలో కొణిదెల ప్రొడక్షన్స్, సూపర్ గుడ్ ఫిలిమ్స్ బ్యానర్స్ పై గాడ్ ఫాదర్ చిత్రాన్ని ఆర్బీ చౌదరీ, ఎన్వీ ప్రసాద్ సంయుక్తంగా నిర్మిస్తున్నారు. అయితే ముందు నుంచి ఈ సినిమాలో నయనతార నటిస్తున్నట్లుగా వార్తలు వచ్చాయి.

తాజాగా ఈ రూమర్స్‏కు చెక్ పెట్టారు గాడ్ ఫాదర్ మేకర్స్. ఈరోజు నయన్ పుట్టిన రోజు సందర్భంగా గాడ్ ఫాదర్ సినిమాలో నయనతార నటించనున్నట్లుగా అధికారికంగా ప్రకటించారు. ఈ మేరకు నయన్ ఇంట్రెస్టింగ్ పోస్టర్ రిలీజ్ చేసింది చిత్రయూనిట్. దక్షిణాది చిత్ర పరిశ్రమలో టాప్ హీరోయిన్‏గా దూసుకుపోతుంది నయనతార. ఇప్పుడున్న నటీమణులలో హీరోలతో సరిసమానంగా అత్యంత పారితోషికం అందుకున్న హీరోయిన్ నయన్. ఇప్పటికే చిరు సరసన సైరా నరసింహ రెడ్డి సినిమాలో నటించి మెప్పించింది నయన్.

Team #Godfather wishes Nayanthara a Very Happy Birthday!!

MegaStar @Kchirutweets @jayam_mohanraja @alwaysramcharan #RBChoudary @ProducerNVP @KonidelaPRO @SuperGoodFilms_@MusicThaman @sureshsrajan pic.twitter.com/vM0NluAuNw

— Konidela Pro Company (@KonidelaPro) November 18, 2021