Akhanda: బాబాయ్ సినిమాలో అబ్బాయ్‌..? అఖండ‌లో గెస్ట్ రోల్‌లో న‌టించ‌నున్న నంద‌మూరి వార‌సుడు..

Akhanda: న‌ట సింహం బాల‌కృష్ణ హీరోగా బోయ‌పాటి శ్రీను ద‌ర్శ‌క‌త్వంలో తెర‌కెక్కుతోన్న చిత్రం అఖండ‌. సింహా, లెజెండ్ వంటి సూప‌ర్ హిట్ చిత్రాల త‌ర్వాత వ‌స్తోన్న సినిమా కావ‌డంతో ఈ చిత్రంపై భారీ అంచ‌నాలున్నాయి. అంచ‌నాల‌కు ఏ మాత్రం తగ్గ‌కుండా బోయ‌పాటి ఈ సినిమాను తెర‌కెక్కిస్తున్నారు. ఇటీవ‌ల విడుదలైన టీజ‌ర్ దీనికి ప్ర‌త్య‌క్ష‌సాక్ష్యంగా చెప్ప‌వ‌చ్చు. అఖండ లేటెస్ట్ టీజ‌ర్ నెట్టింట వైర‌ల్ అయ్యింది.

Balakrishna Kalyan Ram

ఇదిలా ఉంటే తాజాగా అఖండ సినిమాకు సంబంధించిన ఓ వార్త ఆస‌క్తిని రేకెత్తిస్తోంది. ఈ సినిమాలో మ‌రో నంద‌మూరి వారసుడు న‌టించ‌నున్నాడ‌నేది సదరు వార్త సారాంశం. వివ‌రాల్లోకి వెళితే.. అఖండ సినిమాలో ఓ పోలీస్ ఆఫీస‌ర్ పాత్ర ఉంటుంద‌ని తెలుస్తోంది. ఈ పాత్ర‌లో నంద‌మూరి హీరో క‌ళ్యాణ్ రామ్ న‌టించ‌నున్న‌ట్లు వార్త‌లు వ‌స్తున్నాయి. సుమారు 20 నిమిషాల పాటు ఉండే ఈ పాత్ర సినిమాకే హైలెట్‌గా ఉంటుంద‌ని స‌మాచారం. మ‌రి ఈ వార్తల్లో ఎంత వ‌ర‌కు నిజం ఉందో తెలియాలంటే అధికారిక ప్ర‌క‌ట‌న వ‌చ్చే వ‌ర‌కు వేచి చూడాల్సిందే. ఇదిలా ఉంటే వీరిద్ద‌రూ క‌లిసి ఇది వ‌ర‌కు ఎన్టీఆర్ బ‌యోపిక్ సినిమాలో న‌టించిన విష‌యం తెలిసిందే. ఈ చిత్రంలో క‌ళ్యాణ్ రామ్‌.. త‌న తండ్రి హ‌రికృష్ణ పాత్ర‌లో న‌టించి ఆక‌ట్టుకున్నారు.

అఖండ టీజ‌ర్‌..

Also Read: ఓట్ల రీకౌంటింగ్ కి ఆదేశిస్తే ఆ అధికారిని చంపేస్తామన్నారట, బెంగాల్ సీఎం మమతా బెనర్జీ వెల్లడి

మూడు రాష్ట్రాల్లో రోజువారీ కోవిడ్ కేసుల తగ్గుదల , కేంద్ర ఆరోగ్యశాఖ ప్రకటన, కానీ ముప్పు పొంచే ఉందని హెచ్చరిక

Co-WIN Slot Notifier: కరోనా వ్యాక్సిన్ రిజిస్ట్రేషన్.? స్లాట్ ఖాళీల కోసం ఈ సైట్లు సందర్శించండి.!