NBK107: బాలకృష్ణ పుట్టినరోజున ఎన్.బీ.కే 107 నుంచి వచ్చే ఫస్ట్ హంట్ అదేనా..?
నందమూరి బాలకృష్ణ అఖండ సినిమాతో సాలిడ్ హిట్ కొట్టిన బాలయ్య ఇప్పుడు మరో మాస్ యాక్షన్ తో రెడీ అవుతున్నారు. గోపీచంద్ మలినేని దర్శకత్వంలో ఈ యాక్షన్ ఎంటర్టైనర్ రెడీ అవుతుంది.
నందమూరి బాలకృష్ణ(Nandamuri Balakrishna) అఖండ సినిమాతో సాలిడ్ హిట్ కొట్టిన బాలయ్య ఇప్పుడు మరో మాస్ యాక్షన్ తో రెడీ అవుతున్నారు. గోపీచంద్ మలినేని దర్శకత్వంలో ఈ యాక్షన్ ఎంటర్టైనర్ రెడీ అవుతుంది. NBK107 వర్కింగ్ టైటిల్ తో ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్న ఈ సినిమా పై బాలయ్య అభిమానుల్లో భారీ అంచనాలు ఉన్నాయి. ఇప్పటికే ఈ సినిమానుంచి విడుదలైన పోస్టర్లు సినిమా పై భారీ అంచనాలను క్రియేట్ చేశాయి. ఈ ప్రతిష్టాత్మక చిత్రం నుండి బాలకృష్ణ పుట్టినరోజు సందర్భంగా.. ఫస్ట్ హంట్ విడుదల కానుంది. ఈ మేరకు అధికారిక ప్రకటను కూడా చేశారు చిత్రయూనిట్. “NBK107 ఫస్ట్ హంట్ లోడింగ్” అని బాలకృష్ణ చేతులను మాత్రమే చూపిస్తున్న పోస్టర్ ద్వారా చిత్ర యూనిట్ ఫస్ట్ హంట్ ని ప్రకటించింది.
బాలకృష్ణ పుట్టిన రోజు కానుక గురించి ఎంతో ఆసక్తిగా ఎదురుచూస్తున్న అభిమానులకు ఈ వార్త గొప్ప ఉత్సాహాన్ని ఇచ్చింది. అయితే బాలయ్య పుట్టిన రోజున టీజర్ విడుదల చేయనున్నారని కొందరంటుంటే మరి కొందరు మాత్రం.. టైటిల్ అనౌన్స్ మెంట్ ఉంటుందని అంటున్నారు. అయితే మొదటి నుంచి ఈ సినిమా టైటిల్ విషయంలో రకరకాల వార్తలు వినిపిస్తున్నాయి. అయితే ఈ సినిమాకు జై బాలయ్య అనే టైటిల్ దాదాపు ఖరారు అయ్యిందని టాక్ బలంగా వినిపిస్తుంది. ఈ చిత్రంలో స్టార్ హీరోయిన్ శ్రుతి హాసన్ కథానాయికగా నటిస్తోంది. కన్నడ స్టార్ దునియా విజయ్ ఈ సినిమాతో విలన్ గా టాలీవుడ్ కి పరిచయం అవుతున్నారు. అలాగే వరలక్ష్మి శరత్కుమార్ కీలక పాత్రలో కనిపించనున్నారు. మ్యూజిక్ సెన్సేషన్ థమన్ ఎన్బికె107కి సంగీతం అందిస్తుండగా.. స్టార్ రైటర్ సాయి మాధవ్ బుర్రా డైలాగ్స్ అందించారు.