Mani Sharma : పాటలు కూడా రికార్డ్ చేశా.. చిరు, ఆర్జీవీ సినిమా మధ్యలోనే ఆగిపోయింది.. అసలు విషయం చెప్పిన మణి శర్మ..

Manisharma

తెలుగు సినిమా ప్రపంచంలో ఎన్నో అద్భుతమైన మ్యూజిక్ అందించి తనదైన ముద్ర వేశారు మ్యూజిక్ డైరెక్టర్ మణిశర్మ. ఒకప్పుడు బ్యాక్ టూ బ్యాక్ సినిమాలతో అలరించిన ఆయన.. ఇప్పుడు సినిమాలను తగ్గించారు. ఇటీవల ఓ ఇంటర్వ్యూలో తన సినీ కెరీర్ ఆరంభంలో ఎదురైన ఆసక్తికర పరిణామాలను, రామ్ గోపాల్ వర్మ, మెగాస్టార్ చిరంజీవిలతో తన తొలి చిత్రం ప్రయాణాన్ని వివరించారు. సంగీత దర్శకుడిగా ఆయన మొదటి అవకాశం రాత్రి అనే చిత్రానికి బ్యాక్‌గ్రౌండ్ మ్యూజిక్ చేయడం ద్వారా లభించింది, అందులో పాటలు లేవు. ఆరు, ఏడేళ్ల విరామం తర్వాత, రామ్ గోపాల్ వర్మ దర్శకత్వంలో వచ్చిన హారర్ చిత్రం దెయ్యం కోసం బ్యాక్‌గ్రౌండ్ మ్యూజిక్ అందించే అవకాశం మణిశర్మకు లభించింది. ఆ సమయంలో సౌత్ ఇండియాలో స్ట్రైక్ ఉండటంతో, రికార్డింగ్ కోసం ముంబై వెళ్ళాల్సి వచ్చింది.

ఎక్కువమంది చదివినవి : Jabardasth Naresh: నెలకు 13 ఈవెంట్స్ చేస్తా.. ఒక్కో ఈవెంట్‏కు ఎంత తీసుకుంటానంటే.. జబర్దస్త్ నరేష్..

ముంబైలో పని చేస్తున్నప్పుడు, రామ్ గోపాల్ వర్మ మణిశర్మతో “నువ్వు బ్యాక్‌గ్రౌండ్ మ్యూజిక్ బాగా చేస్తావ్, కానీ పాటలు చేయడానికి ఇంకా సిద్ధంగా లేవు” అని అన్నారు. ఈ మాటలు మణిశర్మకు ఒక సవాలుగా అనిపించాయి. “కావాలనే అలా అంటారు, మీరు చేస్తారు” అని మణిశర్మ అనగా, రామ్ గోపాల్ వర్మ “సరే చేసి చూపించు” అని ఛాలెంజ్ చేశారు. హెడ్‌ఫోన్స్ పెట్టుకుని పది, పదిహేను నిమిషాల పాటు ఒక ట్యూన్ వినిపించగా, రామ్ గోపాల్ వర్మ వెంటనే “నువ్వు చిరంజీవి సినిమాకు సంగీతం అందిస్తున్నావ్” అని ప్రకటించారు. ఇది మణిశర్మకు ఒక గొప్ప ఆశ్చర్యం.

ఎక్కువమంది చదివినవి : Tollywood : ఎంతో కష్టపడి కట్టుకున్న ఇల్లును సుడిగాలి సుధీర్‏కు అమ్మేశా.. టాలీవుడ్ నటుడు..

రామ్ గోపాల్ వర్మ, అశ్వినిదత్ కలయికలో చిరంజీవి హీరోగా రాబోతున్న చిత్రానికి ఇది ఒక డ్రీమ్ కాంబినేషన్ అని మణిశర్మ భావించారు. ఆ చిత్రానికి రెండు, మూడు పాటలు రికార్డ్ చేసిన తర్వాత, కొన్ని సమస్యల కారణంగా ఆ సినిమా ఆగిపోయింది. టబు, ఊర్మిళ వంటి నటీమణులు హీరోయిన్లుగా ఎంపికైన ఆ ప్రాజెక్ట్ అర్ధాంతరంగా నిలిచిపోవడంతో మణిశర్మ నిరాశ చెందానని అన్నారు. ఇలాంటి సమయంలో చిరంజీవి స్వయంగా ఫోన్ చేసి మాట్లాడారు. “ఆ సినిమా మిస్ అయింది కాబట్టి, నా కంపెనీ అయిన అంజనా ప్రొడక్షన్స్ లో ఒక సినిమా చేస్తున్నాం” అని చిరంజీవి మణిశర్మకు తెలియజేశారు. ఈ పిలుపు మణిశర్మకు అమితానందాన్ని కలిగించిందని చెప్పుకొచ్చారు. చిరంజీవికి తన సంగీతంపై ఉన్న నమ్మకం, లేదా రామ్ గోపాల్ వర్మ చేసిన పరిచయం దీనికి కారణమని మణిశర్మ పేర్కొన్నారు. జయంత్ సి. పరాన్జీ దర్శకత్వంలో తాను అంతకు ముందు ప్రేమించుకుందాం రా వంటి బ్లాక్‌బస్టర్ చిత్రాలకు పని చేశారని కూడా మణిశర్మ గుర్తు చేసుకున్నారు.

ఎక్కువమంది చదివినవి : Tollywood : ఆమెకు 15.. అతడికి 24.. పదేళ్లుగా సీక్రెట్ లవ్.. కట్ చేస్తే.. భార్యభర్తలుగా ఒక్కటైన హీరోహీరోయిన్..

చిరంజీవి ఆహ్వానం మేరకు, అంజనా ప్రొడక్షన్స్ బ్యానర్‌పై వచ్చిన బావగారు బాగున్నారా? అనే చిత్రం ద్వారా మణిశర్మ పూర్తిస్థాయి సంగీత దర్శకుడిగా తెలుగు సినీ పరిశ్రమకు పరిచయం అయ్యారు. ఈ చిత్రం అద్భుతమైన విజయాన్ని సాధించి, మణిశర్మ కెరీర్‌కు పటిష్టమైన పునాదిని వేసింది. ఈ విధంగా మణిశర్మ తన సినీ రంగ ప్రవేశంలో అనేక మలుపులు, సవాళ్లను ఎదుర్కొని చిరంజీవి ద్వారా గొప్ప అవకాశం పొంది, సంగీత ప్రపంచంలో తనకంటూ ఒక ప్రత్యేక స్థానాన్ని సంపాదించుకున్నానని చెప్పుకొచ్చారు.

ఎక్కువమంది చదివినవి : Appa Rao: ఆ సినిమా సమయంలో చేసిన పని.. నా ఫేస్ మొత్తం బ్లాక్ అయ్యింది.. జబర్దస్త్ అప్పారావు..