Mohanlal: మరోసారి అలరించడానికి సిద్దమవుతున్న దృశ్యం కాంబో..ఈ సారి ఇలా రాబోతున్నారట
దృశ్యం... రీమేక్ అయిన అన్ని భాషల్లోనూ సూపర్‌ హిట్ సినిమా ఇది . మోహన్‌లాల్ హీరోగా జీతూ జోసెఫ్ తెరకెక్కించిన ఈ థ్రిల్లర్ మూవీ గ్లోబల్ ఆడియన్స్‌ను కూడా ఫిదా చేసింది.
Mohanlal: దృశ్యం… రీమేక్ అయిన అన్ని భాషల్లోనూ సూపర్‌ హిట్ సినిమా ఇది . మోహన్‌లాల్ హీరోగా జీతూ జోసెఫ్ తెరకెక్కించిన ఈ థ్రిల్లర్ మూవీ గ్లోబల్ ఆడియన్స్‌ను కూడా ఫిదా చేసింది. అందుకే ఈ కాంబినేషన్‌ మీద భారీ హైప్‌ క్రియేట్ అయ్యింది. రీసెంట్‌గా దృశ్యం సీక్వెల్‌తోనూ అదే మ్యాజిక్‌ను రిపీట్ చేశారు ఈ హీరో అండ్ డైరెక్టర్‌. ఇంకా దృశ్యం 2 సక్సెస్‌ జోష్‌లోనే ఉన్న ఈ టీమ్‌… ఇప్పుడు మరో మూవీ ప్లాన్ చేస్తున్నారట. అయితే ఆ మూవీ దృశ్యంకి సీక్వెల్ మాత్రం కాదంటున్నారు. దృశ్యం 2 రిలీజ్ సమయంలో సీక్వెల్ ఉంటుందన్న హింట్ ఇచ్చిన డైరెక్టర్‌… కథ రెడీ కాకపోవటంతో మరో కొత్త పాయింట్‌తో సినిమా చేసేందుకు ప్లాన్ చేస్తున్నారు.
రెండు బ్లాక్‌ బస్టర్స్ ఇచ్చిన కాంబినేషన్‌ కావటంతో జీతూ, మోహన్‌ లాల్ మూవీపై భారీ హైప్‌ క్రియేట్ అవుతోంది. ఆడియన్స్‌కు మరో థ్రిల్లింగ్ ఎక్స్‌పీరియన్స్ ఇవ్వటం ఖాయం అంటున్నారు ఇండస్ట్రీ జనాలు. దృశ్యం టీమ్‌… కొత్త లైన్‌తోనూ సేమ్‌ సక్సెస్‌ సాధిస్తుందా..? అన్నది చూడాలి. మరోవైపు తెలుగులో కూడా సినిమా రీమేక్ అయ్యింది. ఇక్కడ కూడా మంచి విజయాన్ని దక్కించుకుంది ఈ సినిమా. ఇప్పుడు దృశ్యం 2 సీక్వెల్ తెరకెక్కుతుంది. వెంకటేష్ మీనా ప్రధాన పాత్రలో నటిస్తున్నారు. ఈ సినిమాకు కూడా జీతూ జోసెఫ్ నే దర్శకత్వం వహిస్తున్నారు. త్వరలోనే ఈ సినిమా ప్రేక్షకుల ముందుకు రానుంది.
మరిన్ని ఇక్కడ చదవండి :