Megastar Chiranjeevi: సల్మాన్‏తో చిరు స్టెప్పులు.. ఫ్యాన్స్‏కు ఇక కన్నుల పండగే.. ఫోటో షేర్ చేసిన మెగాస్టార్..

భాయ్‏తో కలిసి కాలు కదిపాను. ప్రభుదేవా అద్భుతంగా కొరియోగ్రఫీ అందించారు. ఈ పాట కన్నుల పండుగలా ఉంటుంది

God Father

Rajitha Chanti |
Updated on: Jul 29, 2022 | 4:08 PM

మెగాస్టార్ చిరంజీవి (Megastar Chiranjeevi) డైరెక్టర్ మోహన్ రాజా కాంబోలో రాబోతున్న గాడ్ ఫాదర్ (God Father). మలయాళ సూపర్ హిట్ ఫిల్మ్ లూసిఫర్ కు తెలుగు రీమేక్‏గా తెరకెక్కుతున్న ఈ సినిమా కోసం ప్రేక్షకులు ఆసక్తిగా ఎదురుచూస్తున్నారు. ఇక ఇప్పటికే విడుదలైన చిరు ఫస్ట్ లుక్ పోస్టర్ గ్లింప్స్‏తో సినిమాపై హైప్ పెరిగింది. ఇందులో బాలీవుడ్ స్టార్ సల్మాన్ ఖాన్ కీలకపాత్రలో నటిస్తోన్న సంగతి తెలిసిందే. ఇప్పటికే భాయ్ గాడ్ ఫాదర్ షూటింగ్‏లో జాయిన్ అయిపోయారు కూడా. ప్రస్తుతం శరవేగంగా షూటింగ్ జరుపుకుంటున్న ఈ సినిమా నుంచి ఓ క్రేజీ అప్డేట్ ఇచ్చారు మెగాస్టార్ చిరంజీవి. సల్మాన్‏తో కలిసి తాను డ్యాన్స్ చేస్తున్న ఫోటోను ట్విట్టర్ ఖాతాలో షేర్ చేశారు.

ప్రస్తుతం గాడ్ ఫాదర్ సినిమాలో సల్మాన్, చిరుతో ఓ డాన్స్ షూట్ జరుగుతుంది. వారిద్దరూ కలిసి డ్యాన్స్ చేస్తున్న ఫోటోను షేర్ చేసుకున్నారు చిరు. “భాయ్‏తో కలిసి కాలు కదిపాను. ప్రభుదేవా అద్భుతంగా కొరియోగ్రఫీ అందించారు. ఈ పాట కన్నుల పండుగలా ఉంటుంది” అంటూ రాసుకొచ్చారు. కొణిదెల ప్రొడక్షన్స్, సూపర్ గుడ్ ఫిలింస్ కలిసి నిర్మిస్తోన్న ఈ సినిమాలో నయనతార, సత్యదేవ్ కీలకపాత్రలలో నటిస్తున్నారు. ఈ చిత్రానికి తమన్ సంగీతం అందిస్తున్నారు. ఈ మూవీ కాకుండా చిరు భోళా శంకర్, వాల్తేరు వీరయ్య చిత్రాల్లో నటిస్తున్నారు. ప్రస్తుతం ఈ చిత్రాలన్ని శరవేగంగా షూటింగ్ జరుపుకుంటున్నాయి.

ఇవి కూడా చదవండి

Megastar

ట్వీట్..

Shaking a leg with The Bhai @BeingSalmanKhan for #GodFather @PDdancing is at his Choreographing Best!! A sure shot Eye Feast!!@jayam_mohanraja @AlwaysRamcharan @MusicThaman @SuperGoodFilms_@KonidelaPro #Nayanthara @ProducerNVP @saregamasouth pic.twitter.com/mRjXRNhaJB

— Chiranjeevi Konidela (@KChiruTweets) July 29, 2022