Varun Tej : చిన్ననాటి ఫోటోను షేర్ చేసిన మెగా ప్రిన్స్ వరుణ్ తేజ్.. పిక్ లో ఉన్న మరో చిన్నారి ఎవరో గుర్తుపట్టారా..?

సెలబ్రెటీల చిన్ననాటి వీడియోలు , ఫోటోలు నెట్టింట చక్కర్లు కొట్టడం కామనే. చాలామంది వారి చిన్ననాటి జ్ఞాపకాలను సోషల్ మీడియా ద్వారా అభిమానులతో పంచుకుంటుంటారు. తాజాగా ఈ మెగా హీరో కూడా తన చిన్ననాటి ఫోటోను సోషల్ మీడియా వేదికగా పంచుకున్నాడు

Varun Tej

Rajeev Rayala |
Updated on: Apr 03, 2021 | 1:12 PM

Varun Tej Childhood Pic: సెలబ్రెటీల చిన్ననాటి వీడియోలు , ఫోటోలు నెట్టింట చక్కర్లు కొట్టడం కామనే. చాలామంది వారి చిన్ననాటి జ్ఞాపకాలను సోషల్ మీడియా ద్వారా అభిమానులతో పంచుకుంటుంటారు. తాజాగా ఈ మెగా హీరో కూడా తన చిన్ననాటి ఫోటోను సోషల్ మీడియా వేదికగా పంచుకున్నాడు. ఇంతకు ఆ మెగా హీరో ఎవరో కాదు మెగా ప్రిన్స్ గా పేరు తెచ్చుకున్న వరుణ్ తేజ్. ఈ ఫొటోలో తన చెల్లి నిహారిక కూడా ఉంది. ఈ ఫొటోలో మెగాస్టార్ చిరంజీవి నిహారికకు ఎత్తుకోగా చిన్నారి వరుణ్ చిరుని ఆప్యాయంగా ఆలింగనం చేసుకున్నాడు. ఇప్పుడు ఈ ఫోటో నెట్టింట తెగ వైరల్ అవుతుంది.

నిహారిక పెళ్లితర్వాత మెగా ఫ్యామిలీ ఆమె చిన్న నటి ఫోటోలను జ్ఞాపకాలను నెమరు వేసుకుంటున్నారు. ఇప్పటికే మెగా బ్రదర్ నాగబాబు నిహారిక ఫోటోలను సోషల్ మీడియాలో షేర్ చేస్తున్నారు. తాజాగా వరుణ్ ఈ ఫోటోను షేర్ చేస్తూ ‘డౌన్ టు మెమోరీ లేన్’ అంటూ కామెంట్ చేశారు. అటు నిహారిక కూడా తన భర్త తో దిగిన ఫోటోలను సోషల్ మీడియాలో షేర్ చేస్తూ హడావిడి చేస్తుంది. పెళ్ళికి ముందు పలు సినిమాల్లో నటించిన నిహారిక పెళ్లితర్వాత వెబ్ సిరీస్ ల్లో నటిస్తుందని తెలుస్తుంది. ఇక వరుణ్ తేజ్ కూడా తన సినిమాలతో ఫుల్ బిజీగా ఉన్నాడు. ముకుంద సినిమాతో ఎంట్రీ ఇచ్చిన వరుణ్. ఆతర్వాత విభిన్నమైన కథలను ఎంచుకుంటూ సినిమా లు చేస్తున్నాడు. గద్దల కొండ గణేష్ సినిమాలో వరుణ్ నటనకు మెగా అభిమానులే కాదు ప్రేక్షకులంతా ఫిదా అయిపోయారు. ప్రస్తుతం వరుణ్ గని అనే సినిమా చేస్తున్నాడు. బాక్సింగ్ నేపథ్యంలో ఈ సినిమా తెరకెక్కుతుంది. ప్రస్తుతం ఈ సినిమా షూటింగ్ శరవేగంగా జరుగుతుంది.