Panja Vaisshnav Tej : పవన్ కళ్యాణ్ దర్శకుడితో ‘పంజా’ వైష్ణవ్ నెక్స్ట్ సినిమా.. ఆ దర్శకుడు ఎవరంటే..
ఒక్క సినిమాతోనే ఫుల్ క్రేజ్ తెచ్చుకున్నాడు. చేసిన మొదటి సినిమానే భారీ విజయాన్ని సొంతం చేసుకుంది. డెబ్యూ మూవీతో 100కోట్లకు పైగా వసూళ్లు సాధించి సరికొత్త రికార్డ్..
Panja Vaisshnav Tej : ఒక్క సినిమాతోనే ఫుల్ క్రేజ్ తెచ్చుకున్నాడు. చేసిన మొదటి సినిమానే భారీ విజయాన్ని సొంతం చేసుకుంది. డెబ్యూ మూవీతో 100కోట్లకు పైగా వసూళ్లు సాధించి సరికొత్త రికార్డ్ క్రియేట్ చేశాడు.. ఆ హీరో ఎవరో కాదు మెగా హీరో వైష్ణవ్ తేజ్. ఉప్పెన సినిమాతో పరిచయం అయిన ఈ కుర్ర హీరో.. తన నటనతో మంచి మార్కులు కొట్టేశాడు. మొదటి సినిమా రిలీజ్కు ముందే.. మరో సినిమాను కూడా పూర్తి చేశాడు వైష్ణవ్.. అదే కొండా పొలం. క్రిష్ దర్శకత్వంలో తెరకెక్కిన ఈ సినిమా త్వరలోనే ప్రేక్షకుల ముందుకు రాబోతుంది. ఈ సినిమాలో రకుల్ ప్రీత్ సింగ్ హీరోయిన్గా నటిస్తుంది. ఇక ఈ సినిమా తర్వాత వైష్ణవ్ తేజ్ ఎవరితో సినిమా చేయబోతున్నాడన్నది ఆసక్తిగా మారింది. ఈ క్రమంలో ఆయన పవర్ స్టార్ పవన్ కళ్యాణ్ను డైరెక్ట్ చేసిన విష్ణువర్ధన్తో ఓ సినిమా చేయబోతున్నాడు వైష్ణవ్.
పవర్ స్టార్ పవన్ కళ్యాణ్తో పంజా సినిమా తెరకెక్కించిన విష్ణువర్ధన్తో వైష్ణవ్ సినిమా చేస్తున్నాడని తెలుస్తుంది. విష్ణువర్ధన్ పంజా సినిమా తర్వాత మరో సినిమా చేయలేదు. ఇక పంజా సినిమా ఫ్లాప్ అయినప్పటికీ ఆ సినిమాలో విష్ణువర్ధన్ పవన్ చూపించిన తీరు అభిమానులను విపరీతంగా ఆకట్టుకుంది. పంజా సినిమా తర్వాత కొంత గ్యాప్ తీసుకున్న విష్ణువర్ధన్ ఇటీవలే బాలీవుడ్లో షేర్షా సినిమాను తెరకెక్కించాడు. ఓఓటీ ద్వారా విడుదల అయిన ఆ దేశ భక్తి సినిమాకు సూపర్ హిట్ టాక్ దక్కింది. ఇక ఇప్పుడు విష్ణు వర్థన్ దర్శకత్వంలో పంజా వైష్ణవ్ తేజ్ హీరోగా ఒక సినిమా రూపొందబోతుంది. వీరిద్దరి కాంబోలో ఒక సినిమాను చేసేందుకును తెలుగు నిర్మాత ఒకరు ప్రయత్నిస్తున్నారట. త్వరలో ఈ కాంబో పై క్లారిటీ రానుంది.
మరిన్ని ఇక్కడ చదవండి :