Air India Plane Crash: అహ్మదాబాద్ విమాన ప్రమాదంపై మంచు విష్ణు దిగ్భ్రాంతి.. ‘కన్నప్ప’ సినిమాపై కీలక నిర్ణయం
గుజరాత్ లోని అహ్మదాబాద్లో ఎయిర్ ఇండియా విమానం కూలిపోయింది. ఈ వార్త అందరినీ కలచి వేస్తోంది. ప్రమాదం జరిగిన సమయంలో విమానంలో 242 మంది ఉన్నారు. వీరందరూ క్షేమంగా తిరిగి రావాలని అందరూ కోరుకుంటున్నారు. తాజాగా ఈ దుర్ఘటనతో కన్నప్ప టీమ్ కీలక నిర్ణయం తీసుకుంది.
Updated on: Jun 12, 2025 | 5:10 PM
గుజరాత్లోని అహ్మదాబాద్లో గురువారం (జూన్ 12) ఎయిర్ ఇండియా విమానం కూలిపోయింది. ప్రమాదం సమయంలో విమానంలో 242 మంది ప్రయాణికులు ఉన్నట్లు సమాచారం. అహ్మదాబాద్ నుంచి లండన్ వెళ్లే క్రమంలో టేకాఫ్ అవుతుండగా ఈ ఘోర ప్రమాదం జరిగింది. ప్రస్తుతం రెస్క్యూ ఆపరేషన్ నిర్వహిస్తున్నారు. క్షతగాత్రులను ఆస్పత్రికి తరలిస్తున్నారు. అలాగే ఈ ఘోర దుర్ఘటనలో ఇప్పటికే పలువురు మరణించినట్లు తెలుస్తుంది. కాగా ఈ ప్రమాదం గురించి తెలిసి దేశమంతా కన్నీరు పెడుతోంది. విమానంలో ఉన్నవారందరూ క్షేమంగా ప్రాణాలతో బయట పడాలని కోరుకుంటున్నారు. ఈ విమాన ప్రమాదంతో సినిమా ఇండస్ట్రీ కూడా తల్లడిల్లుతోంది. అక్షయ్ కుమార్, సోను సూద్, సన్నీ డియోల్, దిశా పటాని తదిరత సినీ ప్రముఖులు ఈ ఘటనపై తీవ్ర దిగ్భ్రాంతి వ్యక్తం చేశారు. అలాగే పలు సినిమా ఈవెంట్లు, ఫంక్షన్లు ఇతర కార్యక్రమాలను వాయిదా వేస్తున్నారు. ఈ నేపథ్యంలోనే మంచు విష్ణు నటిస్తోన్న కన్నప్ప టీమ్ కూడా కీలక నిర్ణయం తీసుకుంది.
ట్రైలర్ రిలీజ్ వాయిదా..
మంచు విష్ణు కన్నప్ప సినిమా జూన్ 27 న రిలీజ్ కానుంది. ఈ క్రమంలో పెద్ద ఎత్తున ప్రమోషన్స్ చేస్తున్నారు. దేశ వ్యాప్తంగా ప్రధాన నగరాల్లో భారీ ఈవెంట్స్ ప్లాన్ చేస్తున్నారు. ఇందులో భాగంగా శుక్రవారం ( జూన్ 13) కన్నప్ప సినిమా ట్రైలర్ రిలీజ్ చేస్తామని కూడా ప్రకటించారు. మధ్యప్రదేశ్ లోని ఇండోర్ లో కన్నప్ప ప్రీ రిలీజ్ ఈవెంట్ నిర్వహించేందుకు ఏర్పాట్లు జరుగుతున్నాయి. అయితే అహ్మదాబాద్ విమాన ప్రమాదంతో కన్నప్ప ట్రైలర్ లాంచ్ ఈవెంట్ క్యాన్సిల్ అయింది. ఈ విషయాన్ని సోషల్ మీడియా వేదికగా వెల్లడించాడు మంచు విష్ణు.
మంచు విష్ణు ట్వీట్..
My heart breaks for the lives lost in today’s Ahmedabad Air India crash. In deep mourning, we’re deferring the #Kanappa trailer release by one day and canceling tomorrow’s Indore pre‑release event. My prayers are with the families during this unimaginably difficult time. 💔
— Vishnu Manchu (@iVishnuManchu) June 12, 2025
అహ్మదాబాద్ విమాన ప్రమాదం కారణంగా కన్నప్ప ట్రైలర్ లాంచ్ ఈవెంట్ ని క్యాన్సిల్ చేస్తున్నాం. ట్రైలర్ రిలీజ్ ని ఒకరోజు వాయిదా వేస్తున్నాం. ఈ క్లిష్ట సమయంలో బాధిత కుటుంబాలకు మా ప్రగాఢ సానుభూతి తెలియజేస్తున్నాం’ అని మంచు విష్ణు ట్వీట్ చేశారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి . .
